Mahagathbandhan Bihar Election :”महाराष्ट्र और बिहार तो झाँकी है वेस्ट बंगाल और तामिलनाडू बाकी है”; नताशा आव्हाड यांचं खोचक ट्वीट

बिहार निवडणुकीचा संबंध महाराष्ट्र विधानसभा निवडणूक निकालाशी जोडत नताशा आव्हाड यांनी खोचक ट्वीट केलं आहे. महाराष्ट्र और बिहार तो झाँकी है अभी पश्चिम बंगाल और तामिलनाडू बाकी है वेलडन ग्यानेश कुमार असं म्हणत नताशा आव्हाड यांनी पोस्ट केली आहे.

बिहारमध्ये जो खेळ SIR ने केला आहे. असा खेळ पश्चिम बंगाल, तामिळनाडू, उत्तर प्रदेश या ठिकाणी चालणार नाही. कारण निवडणुकीच्या आधी कट रचण्यात आला त्या कटाचं पितळ उघडं पडलं आहे. यांना आम्ही हा खेळ खेळू देणार नाही अशी पोस्ट अखिलेश यादव यांनी केली आहे.

बिहाराच्या विधानसभा निवडणुका निकालाने धक्का बसण्याची गरज नाही

निवडणूक आयोग आणि बी जे पी यांचे हातात हात घालून जे राष्ट्रीय कार्य सुरू होते ते पाहता यापेक्षा वेगळा निकाल लागणे शक्य नव्हते! एकदम महाराष्ट्र पॅटर्न! जी आघाडी सत्तेवर येणार याची खात्री होती त्याना ५० च्या आत संपवले! अशी पोस्ट संजय राऊत यांनी केली आहे.

Tejashwi Yadav Raghopur Election Result 2025: महागठबंधनचे मुख्यमंत्रीपदाचे दावेदार आणि बिहारचे माजी उपमुख्यमंत्री राघोपूर विधानसभा मतदारसंघातून पिछाडीवर आहेत. …सविस्तर वाचा

विधानसभा निवडणुकीमध्ये देवेंद्र फडणवीस यांनी प्रचार केला होता. ते स्टार प्रचारकांच्या यादीमध्ये होते. फडणवीसांनी ज्या ज्या विधानसभांमध्ये प्रचार केल, त्या विधानसभेतील सर्व उमेदवार आघाडीवर आहेत.

बिहार विधानसभा निवडणुकीतील आतापर्यंतच्या कलांनी एनडीएला बहुमत मिळण्याचा अंदाज वर्तवला आहे. तेजस्वी यादव यांचा राजद बराच मागे आहे. दरम्यान, राजद नेत्या सारिका पासवान यांनी एक महत्त्वपूर्ण विधान केले. त्या म्हणाल्या, “अशा ६०-७० जागा आहेत जिथे आम्ही १०० ते २०० मतांनी मागे आहोत. त्यामुळे, हे कल निश्चित नाहीत. चित्र अजूनही बाहेर आहे. निकाल बदलतील; आम्हाला अजूनही आशा आहे.”

निवडणूक आयोगाच्या निवडणूक निकालानंतर दिग्विजय सिंह म्हणाले, “मला जे संशय होता तेच घडले. ६२ लाख मतं कापण्यात आली आणि २० लाख मते जोडण्यात आली. त्यापैकी पाच लाख मतं एसआयआर फॉर्म न भरता जोडण्यात आली. बहुतेक मते गरीब, दलित आणि अल्पसंख्याकांकडून कापण्यात आली. शिवाय, ईव्हीएमबद्दल शंका कायम आहेत. असं दिग्विजय सिंह यांनी म्हटलं आहे.

बिहार विधानसभा निवडणुकीचे निकाल पुढे येत असून लालू प्रसाद यादवांचे दोन्ही मुले पिछाडीवर आहेत. मुख्यमंत्रिपदाचा चेहरा तेजस्वीप्रकाश होते आणि तेच पिछाडीवर बघायला मिळत आहे.

भारतीय निवडणूक आयोगाच्या मते, महाआघाडीचे मुख्यमंत्रीपदाचे उमेदवार तेजस्वी यादव हे राजदचा बालेकिल्ला असलेल्या राघोपूरमध्ये भाजपचे उमेदवार यांच्या पिछाडीवर आहेत. सकाळी ११.१५ वाजेपर्यंत तेजस्वी यादव यांना 10,957 मतं मिळाली, तर भाजपचे सतीश कुमार यांना 12,230 मतं मिळाली असं चित्र आहे.

बिहारच्या निवडणुकीत भाजपा आणि एनडीएला २४३ च्या २४३ जागा मिळाल्या तरीही मला आश्चर्य वाटणार नाही. कारण मतचोरी करुन हे सगळं केलं जातं आहे. शेकडो मतदार केंद्रांवर गैरप्रकार घडले आहेत असं म्हणत भाई जगताप यांनी भाजपा आणि एनडीएला टोला लगावला आहे.

बिहारमध्ये पहिल्या टप्प्यात १८ जिल्ह्यातील १२१ मतदारसंघात ६५.८ टक्के मतदान पार पडलं. मागच्यावेळी पहिल्या टप्प्यात ५७.२९ टक्के मतदान झालं. तर, बिहारमध्ये दुसऱ्या टप्प्यात २० जिल्ह्यातील १२२ जागांवर ६८.७६ टक्के मतदान झालं. निवडणूक आयोगाच्या आकडेवारीनुसार बिहारमध्ये एकूण ६६.९१ टक्के मतदान झालं.

एक्झिट पोलमध्ये एनडीएला बहुमत दाखवण्यात आलं होतं. निवडणूक निकालाचे जे कल हाती येत आहेत त्यामध्ये याहून वेगळं चित्र नाही. विरोधकांच्या महाआघाडीला सध्या तरी जनतेने नाकारलं असल्याचं चित्र दिसून येतं आहे.