Bihar Bridge Collapse : बिहारमध्ये गेल्या काही महिन्यांपासून पूल कोसळल्याच्या अनेक घटना समोर येत आहे. आताही बिहारच्या सुलतानगंजमधील गंगा नदीवर असलेल्या एका पुलाचा काही भाग अचानक कोसळल्याची घटना घडली आहे. बिहारमध्ये या वर्षातील पूल कोसळल्याची ही १२ वी घटना आहे. त्यामुळे पूल बांधण्याच्या कामकाजावर प्रश्नचिन्ह उपस्थित केले जात आहेत. आता विरोधकांकडून सत्ताधाऱ्यांवर भ्रष्टाचाराचा आरोप करण्यात येत आहे.

सुलतानगंजमधील गंगा नदीवरील हा आगवाणी ते सुलतानगंज चौपदरी पूल आहे. मात्र, या पुलाचा काही भाग कोसळल्याची ही तिसरी घटना आहे. याआधी या पुलाची ३० एप्रिल २०२२ मध्ये या पुलाचा ५ क्रमांकाचा खांब कोसळल्याचं समोर आलं होतं. त्यानंतर पुन्हा ४ मे २०२३ मध्ये या पुलाच्या काही खांबाचा भाग कोसळला होता. यानंतर आता पुन्हा एकदा सुलतानगंजमधील गंगा नदीवरील या चौपदरी पुलाचा काही भाग कोसळला आहे. यासंदर्भातील वृत्त इंडियन एक्स्प्रेसने दिलं आहे.

आणखी वाचा
Leopard Nate area, Ratnagiri, Leopard, loksatta news,
रत्नागिरी : नाटे परिसरात दिवसाढवळ्या बिबट्याची दहशत, विहिरीत पडलेल्या बिबट्याला बाहेर काढण्यात वन विभागाला यश
ankita walawalkar reveals marriage plans and talk about future husband
अंकिताचा ‘कोकण हार्टेड बॉय’ कोण आहे? कोकणात करणार…
A five year old boy was molested by minors Pune print news
पाच वर्षांच्या मुलावर अल्पवयीनांकडून अत्याचार
Badlapur encounter case, High Court question,
बदलापूर चकमक प्रकरण : शिंदेला लागलेली गोळी कशी सापडली नाही ? उच्च न्यायालयाचा पोलिसांना प्रश्न
BJP Navi Mumbai, Navi Mumbai Eknath Shinde,
नवी मुंबईत शिंदे समर्थकांच्या अभियानामुळे भाजपमध्ये अस्वस्थता
flood report pune, flood pune, pune flood report,
पुणे : पूरस्थितीचा अहवाल प्रसिद्ध करण्याची गरज काय? कोणी मांडली ही अजब भूमिका
construction in natural drain in badlapur ignore by national green arbitration
बदलापुरातही नैसर्गिक नाल्यात बांधकाम; राष्ट्रीय हरित लवादाच्या भूमिकेनंतर बांधकामावर प्रश्नचिन्ह
seven women burnt by firecrackers during Ganpati immersion in umred
Video : फटाक्यामुळे ७ महिला भाजल्या, नागपुरातील उमरेडमध्ये गणपती विसर्जन मरवणुकीतील दुर्घटना

हेही वाचा : Sabarmati Express derails: साबरमती एक्सप्रेसचे २२ डबे कानपूर स्थानकाजवळ रूळावरून घसरले; ट्रॅकवरील वस्तूमुळे अपघात

सुलतानगंजमधील हा चौपदरी पूल कोसळल्याच्या घटनेचा एक व्हिडीओही सोशल मीडियावर व्हायरल होत आहे. दरम्यान, या घटनेत कोणतीही जीवितहानी झाली नसल्याची माहिती समोर येत आहे. मात्र, नदीचे पाणी अचानक मोठ्या प्रमाणात वाढल्यामुळे या पुलाचा काही भाग कोसळल्याचं सांगितलं जात आहे. गेल्या काही वर्षांपासून या पूलाचं बांधकाम सुरु आहे. आता या पुलाचं बांधकाम पूर्ण करण्याची तारीख २०२६ पर्यंत आहे. या संपूर्ण पुलाचं १,७०० कोटींचं बजेट आहे. मात्र, अशा प्रकारे पुलाचं बांधकाम पूर्ण होण्याच्या आधीच पुलाचा काही भाग कोसळत असल्याच्या घटना घडल्यामुळे आता पुलाच्या बांधकामाबाबत विरोधकांकडून प्रश्नचिन्ह उपस्थित केले जात आहेत.

दरम्यान, बिहारचे मुख्यमंत्री नितीश कुमार याच्या सरकारचा हा प्रमुख प्रकल्प मानला जातो. अगुवानी-सुल्तानगंज पूल हा राज्याच्या उत्तर आणि दक्षिणेकडील भागांमधला एक महत्त्वाचा दुवा आहे. तसेच खगरिया, सहरसा, मधेपुरा आणि सुपौल या जिल्ह्यांचा समावेश असलेल्या भागांना जोडणारा आहे. या पुलाचे बांधकाम गेल्या काही वर्षांपासून सुरु असले तरी अद्याप फक्त ४५ टक्केच पूर्ण झाल्याचं सांगितलं जात आहे.