बिहारच्या मधुबनी येथील कोर्टाने आपल्या गावात एका महिलेवर बलात्काराचा प्रयत्न करणाऱ्या आरोपीला शिक्षा करण्यासाठी उपाय शोधला आहे. त्याला जामीन देताना, मधुबनी न्यायालयाने आदेश दिला आहे की, आरोपीला शिक्षा म्हणून सहा महिने गावातील सर्व महिलांचे कपडे धुवावे लागतील आणि इस्त्री करावी लागेल. झंझारपूर न्यायालयाचे एडीजे अविनाश कुमार यांनी आरोपी लालन कुमार सफीला जामीन मंजूर केला की तो पीडितेसह सर्व महिलांचे कपडे मोफत धुवेल. २० वर्षीय आरोपीला बलात्काराचा प्रयत्न केल्याच्या आरोपावरून एप्रिलमध्ये ताब्यात घेण्यात आले होते. त्याच्या वकिलांनी त्याच्या केसमध्ये युक्तिवाद केला की तो फक्त २० वर्षांचा आहे आणि त्याला माफ केले पाहिजे. वकिलांनी असेही म्हटले की आरोपी त्याच्या व्यावसायिक क्षमतेने समाजाची सेवा करण्यास तयार आहे. आरोपीचा कपडे धुणे आणि इस्त्री करण्याचा व्यवसाय आहे. न्यायालयाने त्याला मंगळवारी जामीन मंजूर केला.वॉशिंग आणि इस्त्रीच्या शिक्षेव्यतिरिक्त, न्यायालयाने आरोपीला प्रत्येकी १० हजार रुपये इतकी जामीनाची रक्कम दोनदा भरण्यास सांगितली आहे.. दरम्यान, आरोपपत्र दाखल करण्यात आले असून पोलिसांनी त्यांचा तपास पूर्ण केला आहे. दोन्ही बाजूंमध्ये सामोपचारासाठी अर्जही पाठवण्यात आला आहे.सहा महिन्यांच्या सेवेनंतर आरोपीला गावचे सरपंच किंवा त्याच्या मोफत सेवेचे कोणतेही सरकारी अधिकारी यांनी दिलेले प्रमाणपत्र सोपवावे लागेल.झांझारपूर एडीजे अविनाश कुमार यांच्या कोर्टाने यापूर्वी अशा अनेक विचित्र निकाल सुनावले आहेत. लॉकडाऊन दरम्यान शाळा उघडल्याचा गुन्हा दाखल झाल्यानंतर त्यांनी ऑगस्ट २०२१ मध्ये एका शिक्षकाला गावातील मुलांना मोफत शिकवण्याचे आदेश दिले होते.
