Bihar Election Results 2025: बिहारमध्ये NDA चे राज, महाआघाडीचं पानिपत; पाहा कोणत्या पक्षाला किती जागा मिळाल्या?

केंद्रीय मंत्री चिराग पासवान यांच्या लोक जनशक्ती पार्टी (रामविलास) पक्षाने अनपेक्षित यश मिळवले आहे. त्यांनी १९ जागांवर विजय मिळवला आहे. तर प्रशांत किशोर यांच्या जनसुराज पक्षाला यश मिळू शकलेले नाही.

जनता दलाला २०२० पेक्षाही अधिक जागा

जनता दल (युनायटेड) पक्षाला २०२० मध्ये ४३ जागा मिळाल्या होत्या. त्यामुळे त्यांना फारसे यश मिळेल, याची शक्यता कमी होती. परंतु या निवडणुकीत त्यांनी ८३ जागांवर आघाडी घेतली आहे. २०२० साली नितीश कुमार यांना नुकसान पोहोचवणाऱ्या चिराग पासवान आणि कुशवाह यांना एनडीएमध्ये सामील करून घेतल्यामुळे मतांचे विभाजन झाले नाही. ज्याचा लाभ सर्वच पक्षांना झालेला दिसत आहे.

एचएएम(एस) आणि आरएलएम

जीतन राम मांझी यांचा हिंदुस्तानी आवाम मोर्चा (धर्मनिरपेक्ष) आणि कुशवाह यांचा राष्ट्रीय लोक मोर्चा प्रत्येकी सहा जागा लढवत होते. या दोन पक्षांनीही चांगली कामगिरी केली आहे.