पाकिस्तानचे पंतप्रधान इम्रान खान यांनी गुरुवारी मायक्रोसॉफ्टचे सहसंस्थापक बिल गेट्स यांच्याशी फोनवरून संवाद साधला. यावेळी इम्रान खान यांनी बिल गेट्ससोबत पोलिओ निर्मुलन आणि करोना महामारीबद्दल चर्चा केली. बिल गेट्स यांची संस्था सध्या पोलिओ निर्मुलनासह अन्य अनेक क्षेत्रांमध्ये पाकिस्तानची मदत करत आहे.

या बातमीसह सर्व प्रीमियम कंटेंट वाचण्यासाठी साइन-इन करा

पाकिस्तानी माध्यमांच्या वृत्तानुसार, इम्रान खान यांनी गेट्स यांच्याशी संवाद साधताना जगभरात गरिबी, रोगराई आणि असमानतेशी लढण्यासाठी गेट्स फाऊंडेशन करत असलेल्या कामाचं कौतुक केलं. या चर्चेची माहिती पाकिस्तानच्या पंतप्रधान कार्यालयाकडून एका निवेदनाद्वारे देण्यात आली. यामध्ये असा उल्लेख होता की, इम्रान खान यांनी पाकिस्तानात बिल एँड मेलिंडा गेट्स फाऊंडेशनने केलेल्या कामाचं कौतुक केलं.

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Bill gates imran khan bill and melinda gates foundation polio in pakistan vsk
First published on: 21-01-2022 at 17:14 IST