गोवा विधानसभा निवडणुकीत भाजपने सत्ता कायम राखली आहे. बहुमतासाठी एक जागा कमी पडली असली तरी तीन अपक्ष व  महाराष्ट्रवादी गोमांतक पक्षांच्या दोघांच्या मदतीने भाजप सत्ता स्थापन करणार आहे. काँग्रेस, तृणमूल काँग्रेस व आम आदमी पक्षात झालेले मतविभाजन भाजपच्या पथ्थ्यावर पडले.

गोवा विधानसभेच्या ४० पैकी २० जागा जिंकून भाजपने सत्ता कायम राखली. भाजपला साध्या बहुमतासाठी एक जागा कमी पडली असली तरी अपक्ष व अन्य छोटय़ा पक्षांच्या पाठिंब्यावर भाजपचा सत्तेचा मार्ग मोकळा होणार आहे.

Mahavitaran sports competition
महावितरण क्रीडा स्पर्धा; प्रसाद रेशमे, धनंजय औंढेकर यांच्या भागिदारीने क्रिकेट सामन्यात मुख्यालय विजयी
pandit hridaynath Mangeshkar
हृदयनाथ मंगेशकर आकाशवाणीच्या नोकरीत खरंच होते का? कधी?
BJP target for Bihar Chief Minister post after victory in Delhi assembly elections
दिल्लीच्या विजयानंतर भाजपचे पुढील लक्ष्य बिहारच्या मुख्यमंत्रीपदावर
Chandrashekhar Bawankule
महापालिकेच्या निवडणुका कधी होणार? भाजप प्रदेशाध्यक्ष चंद्रशेखर बावनकुळे म्हणाले…
BJP benefits from governments decision workers will become SPOs
सरकारच्या ‘या’ निर्णयाचा भाजपला फायदा, कार्यकर्ते होणार ‘एसपीओ’
Will AAP win Delhi Assembly elections 2025 for fourth time or BJP will get chance after 31 years
‘आप’ चौथ्यांदा, की… भाजपला ३१ वर्षांनी संधी?
Like Congress BJP in district faces factionalism highlighted during Guardian Minister Ashok Uikes first tour
पालकमंत्र्यांच्या दौऱ्यात भाजपमधील गटबाजी उघड
upsc training center loksatta news
जिल्हास्तरावर यूपीएससी, एमपीएससीचे प्रशिक्षण केंद्र सुरू होणार? सुधारणा समितीसमोर…

भाजपला ही निवडणूक अवघड जाईल, असा अंदाज वर्तविण्यात येत होता. मतदानोत्तर चाचण्यांमध्ये संख्याबळ कमी असेल असा अंदाज वर्तविण्यात आल्याने भाजप नेत्यांनी छोटय़ा पक्षांच्या नेत्यांशी संपर्क साधला होता. परंतु भाजपला गतवेळच्या तुलनेत चांगले यश मिळाले. २१ चा जादूई आकडा गाठता आला नसला तरी २० जागा जिंकून भाजपने गोव्यातील आपली पकड कायम ठेवली. सत्तेची हॅटट्रिक पूर्ण केली. भाजप, काँग्रेस, तृणमूल काँग्रेस-महाराष्ट्रवादी गोमांतक पक्ष युती, आम आदमी पार्टी या चौरंगी लढतीचा भाजपला चांगलाच फायदा झाला. काँग्रेस, तृणमूल व आम आदमी पार्टीतील मत विभाजन भाजपसाठी फायदेशीर ठरले. भाजपला दक्षिण आणि उत्तर गोवा या दोन्ही भागांत यश मिळाले.

पर्रिकर पुत्राचा पराभव

भाजप नेतृत्वाने उमेदवारी नाकारल्याने बंडखोरी करून अपक्ष निवडणूक लढविलेले माजी मुख्यमंत्री मनोहर पर्रिकर यांचे पुत्र उप्पल पर्रिकर यांचा पणजी मतदारसंघातून ७१६ मतांनी पराभव झाला. भाजपचे विद्ममान आमदार बाबूश मोन्सेरा यांनी पर्रिकर यांचा पराभव केला. या मतदारसंघातील काँग्रेस उमेदवाराला ३,१७५ मते मिळाली. तिरंगी लढतीचा भाजपला फायदा झाला. पर्रिकर यांच्या बंडखोरीमुळे पणजी मतदारसंघातील निवडणुकीकडे साऱ्यांचे लक्ष लागले होते. मनोहर पर्रिकर हे या मतदारसंघातून निवडून येत असत. उप्पल पर्रिकर यांनी चांगली लढत दिली तरी त्यांना यश मिळाले नाही. पर्रिकर पुत्राचा पराभव करणारे भाजपचे मोन्सेरा यांनी भाजपच्या स्थानिक नेत्यांबद्दल नाराजी व्यक्त केली. पणजीतील स्थानिक कार्यकर्त्यांची आपल्याला मदत झाली नाही, अशी भावना व्यक्त करतानाच पर्रिकर यांना एवढी मते कशी मिळाली याकडे लक्ष वेधले आहे.

माजी मुख्यमंत्री व विरोधी पक्षनेते दिगंबर कामत यांनी मार्मागोवा मतदारसंघातून उपमुख्यमंत्री व भाजप उमेदवार मनोहर आजगावकर यांचा पराभव केला. माजी मुख्यमंत्री व भाजप उमेदवार रवि नाईक  हे अवघ्या ७७ मतांनी विजयी झाले. मुख्यमंत्री प्रमोद सावंत हे ६६६ मतांनी विजयी झाले. मतमोजणीच्या सुरुवातीच्या फेऱ्यांमध्ये मुख्यमंत्री हे पिछाडीवर होते. पण अखेरच्या टप्प्यात त्यांनी आघाडी  घेतली.

Story img Loader