एकदिवसीय विश्वचषक स्पर्धेतील भारत विरुद्ध पाकिस्तान सामना दोन दिवसांपूर्वी अहमदाबादच्या नरेंद्र मोदी स्टेडियमवर खेळवण्यात आला. या सामन्यात पाकिस्तानचा यष्टीरक्षक फलंदाज मोहम्मद रिझवान बाद होऊन ड्रेसिंग रूमकडे परत जात असताना स्टेडियममधील प्रेक्षकांनी ‘जय श्री राम’च्या घोषणा दिल्या. काही लोकांनी प्रेक्षकांच्या या कृतीचं समर्थन केलं आहे, तर काहींनी संताप व्यक्त केला आहे. तमिळनाडूचे युवक कल्याण आणि क्रीडामंत्री उदयनिधी स्टॅलिन यांनीदेखील यावरून प्रेक्षकांना सुनावलं आहे.

उदयनिधी स्टॅलिन यांनी म्हटलं आहे की भारत देश हा खेळभावना आणि आदरातिथ्यासाठी ओळखला जातो. आपल्या शेजारच्या देशातील खेळाडूंबरोबर जे घडलं, ते कृत्य खालच्या स्तरावरचं होतं. हे सहन करण्यायोग्य नव्हतं. खेळाच्या माध्यमातून देश एकत्र व्हायला हवा. लोकांमधलं प्रेम आणि बंधूभाव वाढायला हवा. लोकांमध्ये तिरस्कार पसरवण्यासाठी शस्त्र म्हणून खेळाचा वापर केला जाऊ नये.

Virat Kohli and Anushka Sharma emotional
RCB vs CSK : आरसीबी प्लेऑफ्समध्ये पोहोचल्यानंतर विराट-अनुष्का भावूक, डोळ्यात आनंदाश्रू तरळल्याचा VIDEO व्हायरल
atishi alleges bjp conspiracy in swati maliwal assault case
स्वाती मालिवाल मारहाण प्रकरण : ‘आप’कडून आरोपांचे खंडन, भाजपचे केजरीवालांविरोधात कारस्थान असल्याचा आरोप
Mohammed Shami slams Sanjiv Goenka for outburst
IPL 2024 : ‘…म्हणून तुम्ही काय लाल किल्ल्यावर झेंडा रोवला नाही’, मोहम्मद शमीची संजीव गोयंकांवर परखड भाषेत टीका
bjp complaint against congress leader vijay wadettiwar in over hemant karkare remark
करकरेंच्या मृत्यूवरील वक्तव्य वडेट्टीवारांना भोवणार?……भाजपकडून पोलिसात तक्रार….
Punjab Sacrilege Case
श्री गुरू ग्रंथ साहिबच्या प्रतीचा अवमान केल्याच्या संशयावरून १९ वर्षीय तरुणाची हत्या, पंजाबमधील घटना
congress reaction on poonch terror attack
Poonch Terror Attack : भारतीय वायुसेनेच्या वाहनांवर झालेल्या हल्ल्याचा राहुल गांधींकडून निषेध; म्हणाले “हा भ्याड हल्ला…”
Virat Kohli's reaction on strike rate
विराट कोहलीने स्ट्राईक रेटवरुन टीका करणाऱ्यांना फटकारले; म्हणाला, ‘जे लोक दुसऱ्यावर टीका करतात त्यांनी स्वत:…’
Congress Leader Kamalnath Promised Giving Article 370 Masjid Place But Real Video Is Different
“३७० लागू करू, मशिदीला जागा देऊ..”, काँग्रेसच्या बड्या नेत्याचं मुस्लिमांना आश्वासन? Video तील वाक्य आधी नीट ऐका

दरम्यान, उदयनिधी स्टॅलिन यांच्या वक्तव्यानंतर भारतीय जनता पार्टीने यावर प्रतिक्रिया दिली आहे. भाजपाचे राष्ट्रीय प्रवक्ते गौरव भाटिया यांनी एक्स या मायक्रोब्लॉगिंग प्लॅटफॉर्मवर उदयनिधींची पोस्ट शेअर करत म्हटलं आहे, तिरस्कार पसवणारा डेंग्यू, मलेरियाचा मच्छर विष पसरवण्यासाठी निघाला आहे. नमाज पठण करण्यासाठी सामना थांबवण्याचे प्रकार घडले तेव्हा तुम्ही मूग गिळून गप्प बसला होता. सृष्टीच्या चराचरात आमचे प्रभू श्रीराम आहेत. बोला जय श्रीराम.

हे ही वाचा >> Nithari Case : देशाला हादरवणारं निठारी हत्याकांड काय होतं? मोनिंदर पंढेर आणि सुरिंदर कोली कसे पकडले गेले?

मोहम्मद रिझवान ड्रेसिंग रूमकडे जात असताना प्रेक्षकांनी दिलेल्या ‘जय श्री राम’च्या घोषणांवर अनेकांनी समाजमाध्यमांवर आपापल्या भावना व्यक्त केल्या आहेत. हे कृत्य खेळभावनेच्या विरुद्ध आहे. तसेच हे कृत्य एखाद्या खेळाडूला त्रास देणारं असल्याचं मत काहींनी मांडलं. तर काहींचं म्हणणं आहे की, रिझवाननेच याची सुरुवात केली. रिझवानचं मैदानावर नमाज पठणं करणं, क्रिकेटच्या मैदानात इस्रायल-हमास युद्धाचा उल्लेख करणं हेदेखील चुकीचं होतं. रिझवाननेच खेळाच्या मैदानात धर्म आणला.