लोकसभा निवडणुकीची घोषणा कोणत्याही क्षणी होऊ शकते. देशातील सर्वच पक्ष या निवडणुकीच्या तयारीला लागलेले आहेत. दरम्यान, सत्ताधारी भाजपानेदेखील तयारीला सुरुवात केली आहे. याच तयारीचा एक भाग म्हणून २९ फेब्रुवारी रोजी भाजपाच्या सर्वोच्च नेत्यांची एक महत्त्वाची बैठक पार पडली. या बैठकीच्या अध्यक्षस्थानी पंतप्रधान नरेंद्र मोदी होते. पीटीआय या वृत्तसंस्थेने दिलेल्या माहितीनुसार या बैठकीत लोकसभा निवडणुकीसाठी भाजपा उमेदवारांच्या पहिल्या यादीवर चर्चा करण्यात आली.

रात्री उशिरापर्यंत बैठक

पीटीआयच्या वृत्तानुसार २९ फेब्रुवारी रात्री १०.३० वाजता या बैठकीला सुरुवात झाली होती. पुढे साधारण चार तास ही बैठक चालली. यावेळी भाजपाचे राष्ट्रीय अध्यक्ष जेपी नड्डा, केंद्रीय गृहमंत्री अमित शाह, केंद्रीय संरक्षणमंत्री राजनाथ सिंह तसेच उत्तर प्रदेशचे मुख्यमंत्री योगी आदित्यनाथ, गुजरातचे मुख्यमंत्री भूपेंद्र पटेल, मध्य प्रदेशचे मुख्यमंत्री मोहन यादव, छत्तीसगडचे मुख्यमंत्री विष्णूदेव साय, उत्तराखंडचे मुख्यमंत्री पुष्करसिंह धामी, गोव्याचे मुख्यमंत्री प्रमोद सावंत तसेच अन्य महत्त्वाचे नेते उपस्थित हेते. आगामी एप्रिल-मे महिन्यात लोकसभेची निवडणूक होण्याची शक्यता आहे.

Hitendra Thakur, left, support from the left,
डाव्यांची साथ नसल्याने हितेंद्र ठाकूर यांच्या पक्षाच्या उमेदवाराला फटका बसणार ?
Sharad pawar on Udyanraje bhosale lok sabha election
“राजेंबद्दल आम्ही प्रजा…”, उदयनराजेंच्या उमेदवारीवर शरद पवारांची प्रतिक्रिया, भाजपाला टोला
Narendra Modi, Kanhan, Nagpur,
‘बेरोजगारी, महागाईबाबत मोदी अपयशी, मात्र राम मंदिर…’, कन्हान येथे पंतप्रधानांच्या सभेला आलेल्या नागरिकांचे मत
Scheme for women Assemblies Candidates for women Prime Minister Narendra Modi
पहिली बाजू: महिला सशक्तीकरणाची नवी पहाट

पहिल्या यादीत १६० उमेदवारांची घोषणा?

भाजपाच्या अंतर्गत सूत्रानुसार या बैठकीत उमेदवारांच्या पहिल्या यादीवर चर्चा करण्यात आली. या यादीत साधारण १६० उमेदवारांची घोषणा केली जाण्याची शक्यता आहे. वेगेवगळ्या राज्यांतील सर्वोच्च नेत्यांनी लोकसभा निवडणुकीसाठी उमेदवारांची नावे दिल्लीला पाठवण्यास याआधीच सुरुवात केलेली आहे. त्यामुळे भाजपाच्या उमेदवारांच्या पहिल्या यादीत कोणाकोणाचा समावेश असणार? याकडे सर्वांचेच लक्ष लागले आहे.