मॅगीवरील बंदी उठवली, सहा आठवड्यांनंतर विक्री

नेसले कंपनीच्या मॅगी न्यूडल्सच्या विक्रीवर घालण्यात आलेली बंदी काही अटींवर उठविण्याचा निर्णय मुंबई उच्च न्यायालयाने गुरुवारी दिला.

संग्रहित छायाचित्र

नेसले कंपनीच्या मॅगी नूडल्सच्या विक्रीवर घालण्यात आलेली बंदी काही अटींवर उठविण्याचा निर्णय मुंबई उच्च न्यायालयाने गुरुवारी दिला. सहा आठवड्यांनंतर मॅगीच्या विक्रीला देशभरात पुन्हा सुरुवात होऊ शकेल. न्यायालयाच्या या निर्णयामुळे नेसले कंपनीला दिलासा मिळाला आहे.
मॅगीमध्ये मोनोसोडियम ग्लुटामेट आणि शिशाचे प्रमाण निर्धारित मात्रेपेक्षा जास्त असल्याने वेगवेगळ्या राज्यांनी मॅगीच्या विक्रीवर बंदी घातली होती. त्यानंतर नेसले कंपनीने देशातील बाजारपेठेतून मॅगी परत घेण्याचा निर्णय घेतला होता. या विषयावर मुंबई उच्च न्यायालयात सुनावणी सुरू होती. त्यावर गुरुवारी अंतरिम निकाल देण्यात आला. ज्या प्रयोगशाळांमध्ये मॅगीची चाचणी घेण्यात आली होती. त्या वैध नसल्याचे न्यायालयाने स्पष्ट केले. त्यामुळे बंदी घालण्याचा निर्णय कायदेशीर ठरत नाही, असे स्पष्ट करण्यात आले.
न्यायालयाने नेसले कंपनीला तीन प्रयोगशाळांमधून मॅगीची चाचणी करण्याचे आदेश दिले आहेत. या चाचणीचे निकाल येण्यासाठी साधारपणे सहा आठवड्यांचा कालावधी लागू शकतो. जर या चाचण्यांमध्ये मॅगीत मोनोसोडियम ग्लुटामेट आणि शिशाचे प्रमाण निर्धारित मात्रे इतके आढळले, तरच त्यानंतर मॅगीची विक्री करता येऊ शकते, असा निकाल न्यायालयाने दिला आहे.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Bombay high court quashes orders of food regulators banning maggi noodles

ताज्या बातम्या