scorecardresearch

Premium

भीषण अपघात: कारचा दरवाजा लॉक झाला अन् चिमुकल्यासह ८ जणांचा भररस्त्यात होरपळून मृत्यू

बरेली-नैनिताल महामार्गावर ट्रकने दिलेल्या धडकेत एका लहान मुलासह आठ जणांचा दुर्दैवी मृत्यू झाला.

car accident
फोटो-एएनआय

उत्तर प्रदेशातील भोजीपुराजवळ शनिवारी रात्री एका कारला भीषण अपघात झाला. बरेली-नैनिताल महामार्गावर ट्रकने दिलेल्या धडकेत एका लहान मुलासह आठ जणांचा दुर्दैवी मृत्यू झाला. संबंधित सर्वजण एका लग्नाला उपस्थित राहून आपल्या घरी परतत होते. दरम्यान, ट्रकने धडक दिल्यानंतर अपघातग्रस्त कारने पेट घेतला आणि कार सेंट्रली लॉक असल्याने सर्वांचा होरपळून मृत्यू झाला.

ट्रकने धडक दिल्यानंतर कारचा टायर फुटला आणि कार महामार्गाच्या विरुद्ध बाजूला पलटी झाली. उत्तराखंडमधून रेती घेऊन आलेल्या या ट्रकने कारला काही अंतर फरपटत नेलं. ही कार मारुती सुझुकी एर्टिगा असल्याचं सांगण्यात येत आहे.

Driver dies along with sibling after hitting tracks on negligently parked trailer solhapur
निष्काळजीपणे थांबलेल्या ट्रेलरवर ट्रॅक्स आदळून भाऊ-बहिणीसह चालकाचा मृत्यू
pashan sus road accident marathi news, computer engineer girl died in accident marathi news
पुणे : पाषाण-सूस रस्त्यावर अपघात; संगणक अभियंता तरुणीचा मृत्यू
Tanker crushed two schoolgirls
धाराशिव : टँकरने दोन शाळकरी मुलीला चिरडले, एकीचा जागीच मृत्यू, एक गंभीर जखमी
youths died in accident in Bhiwandi
भिवंडीतील अपघातात दोन तरुणांचा मृत्यू

या घटनेची अधिक माहिती देताना बरेलीचे एसएसपी घुले सुशील चंद्रभान यांनी सांगितलं की, भोजीपुराजवळ बरेली-नैनिताल महामार्गावर भीषण अपघात झाला. एका ट्रकने कारला धडक दिली. या अपघातात कारला काही अंतर ओढत नेल्याने कारने पेट घेतला. कार सेंट्रली लॉक होती, त्यामुळे कारने पेट घेतल्यानंतर प्रवाशांना बाहेर पडता आलं नाही. यामुळे कारमधील सर्वांना आपला जीव गमवावा लागला. मृतदेह बाहेर काढण्यात आले आहेत. मृतांमध्ये ७ प्रौढांसह एका अल्पवयीन मुलाचा समावेश आहे. मृतदेह शवविच्छेदनासाठी पाठवण्यात आले असून पुढील कारवाई केली जात आहे.

Latest Comment
View All Comments
Post Comment

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Car collided with truck in uttar pradesh 8 lost their lives due to fire on bareilly nainital highway rmm

First published on: 10-12-2023 at 10:53 IST

संबंधित बातम्या

तुम्ही या बातम्या वाचल्या आहेत का? ×