महाराष्ट्रातील मच्छिमार गोळीबारात ठार, पाकिस्तानी नौदलाच्या १० कर्मचार्‍यांवर गुन्हा दाखल

पाकिस्तानी नौसैनिकांनी रविवारी गुजरातमधील द्वारका येथील सागरी भागात भारतीय मच्छिमारांवर गोळीबार केला

गुजरातमधील देवभूमी द्वारका जिल्ह्यातील ओखा नदीच्या किनारी ही घटना घडली आहे.

पाकिस्तानी नौसैनिकांनी रविवारी गुजरातमधील द्वारका येथील सागरी भागात भारतीय मच्छिमारांवर गोळीबार केला. या घटनेत महाराष्ट्रातील एका मच्छिमाराचा मृत्यू झाला. दरम्यान, या घटनेत पोलिसांनी गुन्हा दाखल केला आहे. नवीबंदर पोलिसांनी पाकिस्तान सागरी सुरक्षा एजन्सी (PMSA) विरुद्ध गुन्हा दाखल केला आहे. 

या एफआयआरमध्ये, भारतीय मच्छिमारांवर गोळीबार करणाऱ्या पाकिस्तानी लष्कराच्या दोन बोटींमध्ये उपस्थित असलेल्या १० लोकांवर आरोप ठेवण्यात आले आहेत. पोलिसांनी आरोपीविरुद्ध भादंवि ३०२, ३०७, ११४, २५ (१)अ, ३७ अन्वये गुन्हा दाखल केला आहे.

पाकिस्तानच्या सागरी सुरक्षा कर्मचार्‍यांनी शनिवारी आंतरराष्ट्रीय सागरी सीमारेषेजवळ दोन भारतीय मासेमारी नौकांवर गोळीबार केला. या घटनेत जखमी झालेल्या दिलीप नातू सोळंकी या मच्छिमाराच्या वतीने एफआयआर दाखल करण्यात आला आहे. महाराष्ट्रातील ठाणे येथील श्रीधर रमेश चामरे हे (३२ वर्ष) या मच्छिमाराचा या घटनेत मृत्यू झाला आहे. तर एक जखमी झाल्याची माहिती आहे.

पाकिस्तानी सागरी सुरक्षा  कर्मचार्‍यांनी  शनिवारी भारतीय मच्छिमारांच्या जलपरीच्या बोटीला वेढा घातला आणि गोळीबार सुरू केला. गुजरातमधील देवभूमी द्वारका जिल्ह्यातील ओखा नदीच्या किनारी ही घटना घडली आहे.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Case against 10 pakistani navy personnel after indian fisherman killed off gujarat coast srk

ताज्या बातम्या