पीटीआय, नवी दिल्ली

पंजाब नॅशनल बँकेच्या १३ हजार कोटींच्या फसवणूकप्रकणी भारतास हवा असलेला फरार हिरे व्यापारी मेहुल चोक्सीविरुद्ध पुन्हा ‘रेड नोटीस’ देण्याची मागणी केंद्रीय अन्वेषण विभागाने (सीबीआय) ‘इंटरपोल’कडे केली आहे. ‘इंटरपोल’च्या ‘कमिशन फॉर कंट्रोल ऑफ इंटरपोल्स फाइल्स’कडे (सीसीएफ) ही मागणी केल्याची माहिती ‘सीबीआय’ने निवेदनाद्वारे दिली.

kalyan dombivli municipal corporation taken action against illegal hoardings
कल्याण डोंबिवली पालिकेची बेकायदा होर्डिंग्जवर कारवाई; लोखंडी सांगाडे कटरच्या साहाय्याने भुईसपाट
reserve bank of india board approves dividend of rs 2 11 lakh crore to government for fy24
रिझर्व्ह बँकेचा केंद्राच्या तिजोरीला हातभार; आजवरचा सर्वाधिक २.११ लाख कोटींचा लाभांश मंजूर
Deliberate delay in redevelopment of 120 slum
१२० झोपड्यांच्या पुनर्विकासाला हेतुतः विलंब
Air India News in Marathi
एअर इंडियाच्या कर्मचाऱ्यांचा संप अखेर मागे; २५ बडतर्फ कर्मचाऱ्यांना पुन्हा कामावर घेण्याचं कंपनीकडून आश्वासन
JP Nadda
आक्षेपार्ह पोस्टप्रकरणी जेपी नड्डांना बंगळुरू पोलिसांनी बजावला समन्स, निवडणूक आयोगाच्या निर्देशानंतर कारवाई
About one and a half crore cash and gold seized in CBIs search operation
सीबीआयच्या शोध मोहिमेत सुमारे दीड कोटींची रोकड, सोने जप्त
Indians please come back to Maldives and be part
भारतीयांनो कृपया मालदीवमध्ये परत या अन् पर्यटनाचा भाग व्हा; चीन समर्थक मुइझ्झू सरकारची मोदी सरकारकडे याचना
navi mumbai marathi news, navi mumbai cctv camera marathi news
नवी मुंबई: निम्मे शहर सीसीटीव्ही कक्षेबाहेरच, आयुक्तांनी ठरवलेल्या मुदतीतही काम अपूर्णच

‘सीबीआय’ आणि सक्तवसुली संचालनालयाच्या (ईडी) विनंतीवरून ‘इंटरपोल’ने २०१८ मध्ये चोक्सीविरुद्ध ‘रेड नोटीस’ बजावली होती. २०२० मध्ये या निर्णयाविरुद्ध चोक्सीची याचिका फेटाळली होती. २०२२ मध्ये चोक्सीच्या अपहरणाच्या कथित प्रयत्नानंतर सुमारे एक वर्षांने त्याने ‘इंटरपोल’च्या ‘सीसीएफ’कडे संपर्क साधला. ही ‘इंटरपोल’ची स्वायत्त संस्था असून, ती ‘इंटरपोल’ सचिवालयाच्या नियंत्रणाखाली नाही. त्यात मुख्यत्वे विविध देशांतून निवडून आलेल्या वकिलांचा समावेश असतो. हा आयोग २०२० पूर्वीच्या निर्णयांचे मूल्यांकन व त्यात सुधारणा करतो.

‘सीबीआय’च्या दाव्यानुसार ‘सीसीएफ’च्या पाच सदस्यीय ‘चेंबर’ने काल्पनिक योगायोग व सिद्ध न झालेल्या अनुमानांवर विसंबून राहून चोक्सीविरुद्धची ही नोटीस हटवली आहे. यासंदर्भात ‘सीसीएफ’ने ‘सीबीआय’कडे स्पष्ट केले, की चोक्सीवर भारतात असलेल्या आरोपांसदर्भात तो दोषी अथवा निर्दोष आहे, हा नोटीस मागे घेण्याच्या निर्णयाचा आधार नाही. ‘सीसीएफ’ने याचा पुनरुच्चार केला आहे, की चोक्सीविरुद्ध निष्पक्ष खटला चालेल अथव नाही, याबाबत तथ्यात्मक संशोधन करून आपण निष्कर्ष काढलेला नाही. या निर्णयातील तपशील व गंभीर त्रुटींच्या आधारे या निर्णयाचा पुनर्विचार व्हावा, यासाठी ‘सीबीआय’ पुढील पावले उचलत आहे, असेही ‘सीबीआय’ने निवेदनाद्वारे स्पष्ट केले.