रायपूर : सक्तवसुली संचालनालयाने (ईडी) शुक्रवारी छत्तीसगडचे मुख्यमंत्री भूपेश बघेल यांच्या कार्यालयातील उप सचिव सौम्या चौरसिया यांना अटक केली. छत्तीसगडमधील कथित अवैध कोळसा शुल्कआकारणी घोटाळय़ातील आर्थिक गैरव्यवहारप्रकरणी ही कारवाई करण्यात आल्याचे अधिकृत सूत्रांनी सांगितले.

या बातमीसह सर्व प्रीमियम कंटेंट वाचण्यासाठी साइन-इन करा

छत्तीसगडमधील प्रभावशाली सनदी अधिकारी असलेल्या चौरसियांना ‘ईडी’ने चौकशी केल्यानंतर आर्थिक गैरव्यवहार प्रतिबंधक कायद्यातील (पीएमएलए) कलमांनुसार अटक केली. अटकेनंतर चौरसिया यांना आरोग्य तपासणीसाठी नेण्यात आले. केंद्रीय राखीव पोलीस दलाच्या पथकाकडून न्यायालयात नेत असताना स्थानिक प्रसारमाध्यमांच्या कर्मचाऱ्यांनी त्यांचा पाठलाग केला. या प्रकरणी अनेक छापे टाकल्यानंतर ‘ईडी’ने ऑक्टोबरमध्ये राज्यातील सनदी अधिकारी समीर बिश्नोई व अन्य दोघांना अटक केली होती.

More Stories onईडीED
मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Chhattisgarh chief minister s deputy secretary arrested by enforcement directorate zws
First published on: 03-12-2022 at 03:36 IST