चीनमधील मृतांची संख्या ३,१८९

१२०९४ रुग्णांवर उपचार सुरू असून ६५५४१ जणांना उपचारानंतर घरी पाठवण्यात आले आहे.

(संग्रहित छायाचित्र)

चीनमध्ये करोना विषाणूने शुक्रवारी १३ बळी घेतले असून एकूण मृतांची संख्या आता ३१८९ झाली आहे. निश्चित रुग्णांची संख्या ८०,८२४ असून आणखी ११ रुग्ण सापडले आहेत. चीनमधील रुग्ण कमी होत असले तरी बाहेरच्या देशातून येणाऱ्या रुग्णांची संख्या आता वाढत आहे. परदेशातून आलेले सात रुग्ण शुक्रवारी आढळून आले आहेत. त्यामुळे एकूण परदेशी रुग्णांची संख्या ९५ झाल्याचे राष्ट्रीय आरोग्य आयोगाने म्हटले आहे. नवीन १३ मृत्यू हे हुबेई प्रांतातील आहेत. चीनमध्ये एकूण निश्चित रुग्णांची संख्या आता ८०८२४ झाली आहे. त्यात मृत्यू पावलेल्या ३१८९ जणांचा समावेश आहे.  १२०९४ रुग्णांवर उपचार सुरू असून ६५५४१ जणांना उपचारानंतर घरी पाठवण्यात आले आहे.

दरम्यान चीनच्या शिक्षण मंत्रालयाने म्हटले आहे की, सीओव्हीआयडी १९ विषाणूची साथ ओसरत असली तरी शाळा लगेच सुरू केल्या जाणार नाहीत. स्थानिक अधिकारी विषाणू पूर्णपणे नियंत्रणात आल्याचे जाहीर करीत नाहीत तोपर्यंत हा निर्णय घेतला जाणार नाही. साथ रोग नियंत्रण विभागाचे संचालक वँग देंगफेंग यांनी सांगितले की, शाळा सुरू करण्यापूर्वी तज्ज्ञांचा सल्ला घेतला जाईल, मुले व शिक्षक या दोन्हींच्या सुरक्षेचा विचार केला जाईल.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Chinas death toll stands at 3189 abn

ताज्या बातम्या