CJP Chalo Sansad March: “…तोपर्यंत माझे उपोषण सुरूच राहणार”, सोनम वागंचुक यांनी उपोषण सोडण्यासाठी ठेवल्या २ अटी

१. सोनम वांगचुक यांना तातडीने सोडण्यात यावं. त्यांना एक व्हिडीओ बनवण्याची परवानगी दिली जावी.

२. धर्मेंद्र प्रधान यांनी राजीनामा द्यायलाच हवा. जोपर्यंत राजीनामा येत नाही, तोपर्यंत आंदोलन चालूच राहील.

३. ज्या २० नीट परीक्षार्थींनी आत्महत्या केली, त्यांच्या कुटुंबीयांना १ कोटींची नुकसानभरपाई मिळावी.

CJP च्या आंदोलनाच्या पार्श्वभूमीवर राज्यसभेत झालेल्या गदारोळानंतर अधिवेशनाच्या पहिल्याच दिवशी कामकाज सुरू होताच राज्यसभा २ वाजेपर्यंत तहकूब करण्यात आली.

https://twitter.com/PTI_News/status/2079108089916334536

सोनम वांगचुक यांना शनिवारी आंदोलनस्थळावरून रुग्णालयात दाखल केल्यानंतर अभिजित दिपकेंनी बेमुदत उपोषणाची घोषणा केली होती. आज संसद मार्चच्या दिवशी सोनम वांगचुक यांच्या विनंतीनंतर अभिजीत दिपकेंनी त्यांचं उपोषण मागे घेतलं आहे.

आपल्या मागण्यांसाठी सनदशीर मार्गाने आंदोलन करणाऱ्या आंदोलकांवरही अशाच प्रकारे इंग्रजांकडून लाठीचार्ज केला जात होता... इंग्रजांनाही लाजवणारं हे क्रूर आणि निष्ठूर सरकार आहे. शांततापूर्ण मार्गाने आंदोलन करणाऱ्या आंदोलकांवर लाठीचार्ज करणाऱ्या हुकूमशाही सरकारचा तीव्र निषेध! दिल्ली मध्ये संसदेवर निघालेला विराट मोर्चा सर्वार्थाने चिरडण्याचा प्रयत्न सरकारकडून सुरू आहे. मात्र लोकशाहीमध्ये सर्वात शक्तिशाली रस्त्यावर उतरलेला सर्वसामान्य माणूस असतो हे आज सरकारच्या लक्षात आल्याशिवाय राहणार नाही. २० दिवस अन्नत्याग करून देखील शासनाने या आंदोलनाची दखल तर घेतली नाहीच मात्र सोनम वांगचूक यांना हुकुमशाही पद्धतीने उचलण्यात आले. आपली चूक सरकार मान्य करत नाहीच मात्र उलट लोकशाही पद्धतीने आंदोलन देखील करून दिले जात नाही. सरकारने आता तरी शहाणं व्हावं आणि अकार्यक्षम मंत्री धर्मेंद्र प्रधान यांचा तत्काळ राजीनामा घ्यावा, नाहीतर हे आंदोलनच त्यांच्या शेवटाची सुरवात असेल आणि हे सरकार असंच वागत राहिलं तर केवळ तांत्रिकदृष्ट्या सत्तेवर असलेल्या या सरकारला देशभरातील तरुण सत्तेतून खाली खेचल्याशिवाय राहणार नाहीत - रोहित पवार, राष्ट्रवादी काँग्रेस शरद पवार पक्षाचे आमदार

https://twitter.com/RRPSpeaks/status/2079080859282633104

मूळ विषय NEET चा होता. त्यासंदर्भात कारवाई झाली. पुनर्परीक्षाही झाली. CJP या सगळ्या गोष्टी बघत नाहीये का? आम्हाला हे समजत नाहीये.

केंद्रीय मंत्री अर्जुन राम मेघवाल

https://twitter.com/PTI_News/status/2079045267144462339

तीन गोष्टी आज महत्त्वाच्या आहेत.

१.आंदोलन शांततापूर्ण पद्धतीने व्हायला हवं.

२. आपण शिक्षणाचा मुद्दा मांडला आहे, त्यावरच लक्ष केंद्रीत करायला हवं.

३. सगळ्यांनी आंदोलन करताना सतर्क राहायला हवं. आंदोलनादरम्यान कोणताही अनुचित प्रकार घडता कामा नये.

गीतांजली आंगमो, सोनम वांगचुक यांच्या पत्नी

दिल्लीच्या जंतरमंतरवर मोठ्या संख्येनं CJP चे आंदोलक जमा होऊ लागले आहेत. संसद मार्चचं नियोजन करण्यात आलं असून त्यासाठी हे आंदोलक जमा झाले आहेत. आंदोलकांना आवरताना तिथे निर्माण झालेल्या गोंधळाच्या स्थितीमुळे पोलिसांना आंदोलकांवर सौम्य लाठीचार्ज करावा लागला.

1) नवी दिल्ली, मध्य दिल्ली आणि उत्तर दिल्लीतील काही भागांमध्ये बहुस्तरीय बॅरिकेड्स, सीसीटीव्ही निगराणी, बॉम्बशोध पथकांकडून तपासणी आणि गस्त वाढवली आहे.

2)जंतरमंतर, संसद मार्ग आणि इतर महत्त्वाच्या ठिकाणी विशेष सुरक्षा तैनात करण्यात आली आहे.

3)कोणत्याही आपत्कालीन परिस्थितीला त्वरित प्रतिसाद देण्यासाठी रॅपिड रिस्पॉन्स पथके सज्ज ठेवण्यात आली आहेत. 

संसदेच्या पावसाळी अधिवेशनाच्या पहिल्या दिवशी, सोमवारी (२० जुलै) कॉक्रोच जनता पार्टीने (सीजेपी) ‘चलो संसद’ मोर्चाची हाक दिली आहे. मात्र, या मोर्चाला परवानगी दिलेली नाही, असे दिल्ली पोलिसांनी रविवारी स्पष्ट केले.

दिल्लीच्या संसद भवनाच्या दिशेनं जाणाऱ्या सर्व मेट्रो काही काळासाठी बंद करण्यात आल्याचं सांगितलं जात आहे. CJP च्या संसद मोर्चाच्या पार्श्वभूमीवर हे पाऊल उचलण्यात आल्याचं सांगितलं जात आहे. संसदेकडे प्रस्तावित मोर्चाच्या पार्श्वभूमीवर राजीव चौक, जनपथ, पटेल चौक, सेंट्रल सेक्रेटरिएट आणि सेवा तीर्थ या मेट्रो स्थानकांवरील सेवा तात्पुरत्या स्वरूपात बंद ठेवण्याची घोषणा करण्यात आली आहे.