कंगना रणौत म्हणते, “झुरळांची पैदास गटारात होते मी त्यांनाच ‘जनरेशन गटर’ म्हणाले त्यात काय गैर आहे?”

कंगनाने काय स्पष्टीकरण दिलं?

अभिनेत्री आणि खासदार कंगना रणौतने म्हटलं आहे की होय मी जनरेशन गटर असा उल्लेख केला होता. पण मी ते सगळ्या युवकांना आणि तरुण तरुणींना उद्देशून बोलले नव्हते. जे स्वतःला कॉक्रोच म्हणवून घेत होते अशा सगळ्यांना उद्देशून मी ते विधान केलं होतं. जर कुणी स्वतःला झुरळ म्हणवून घेत असेल तर झुरळांची पैदास कुठे होते गटारातच. त्यामुळेच मी ते विधान केलं होतं असं कंगनाने म्हटलं आहे.स्वतःला कॉक्रोच म्हणवून घेणाऱ्यांना मी गटरछाप म्हटलं त्यात काय चूक आहे? आता त्यावरुन तुम्हाला दुःख होण्याचं कारण काय? जे स्वतःला कॉक्रोच म्हणवून घेत नाहीत त्यांना मी काहीच म्हटलेलं नाही. मी स्वतःला झुरळ मानत नाही. त्यामुळे मला कुणी असं बोललं तर मी म्हणेन की तुम्ही चुकीचं बोलत आहात. पण जे स्वतःला झुरळ म्हणवून घेत आहेत त्यांची पैदास गटारातलीच आहे. त्यांची मानसिकता तशी असेल. पण मी सगळ्या युवकांना, सगळ्या तरुणांना म्हटलं नाही. माझ्या ट्वीटमध्येही सम पिपल, सम विमेन असं म्हटलं आहे असं म्हणत कंगनाने स्पष्टीकरण दिलं आहे.

कंगना रणौतने नेमकं काय वक्तव्य केलं होतं?

“भारत हा विविधतेने नटलेल्या, सुंदर, शालीन आणि सांस्कृतिकदृष्ट्या प्रगल्भ लोकांचा देश आहे. तुम्ही स्वतःला झुरळ म्हणवून घेता आणि तुमचं रूप व वर्तनही तसंच आहे. यात कोणताही विरोधाभास नाही, तर तुम्ही फक्त जगाला तुमची घाण आणि कुरुपपणा दाखवत आहात. मी हे रील्स पाहून हादरले आहे. मी त्यांना ‘जनरेशन गटर’ म्हणते. त्यांच्याकडे व्यवस्थेला देण्यासारखं काहीही नाही. त्या अभ्यासात चांगल्या नाहीत. त्या इतक्या कुरुप आणि भ्रष्ट आहेत की त्या गृहिणी देखील होऊ शकत नाहीत”