देशभरातील पोटनिवडणुकांच्या निकालानंतर काँग्रेसने पंतप्रधान मोदींना दिला ‘हा’ सल्ला!

काँग्रेसने नरेंद्र मोदींवर टीका करत मोठी प्रतिक्रिया दिली आहे.

by-election results across the country

देशातील तीन लोकसभा आणि २९ विधानसभा जागांवर झालेल्या पोटनिवडणुकांच्या निकालानुसार भाजपाला विशेष कामगिरी करता आली नाही. यावर काँग्रेसने नरेंद्र मोदींवर टीका करत मोठी प्रतिक्रिया दिली आहे. काँग्रेस नेते रणदीप सिंग सुरजेवाला यांनी पोटनिवडणुकांचे निकाल हे काँग्रेससाठी सकारात्मक संकेत असल्याचे म्हटले आणि पुढील वर्षी उत्तर प्रदेशसह पाच राज्यांतील विधानसभा निवडणुकांपूर्वी तीन कृषी कायदे मागे घेण्यात यावेत, अशी मागणी केली. या निकालाला देशाचा मूड म्हणून पाहिले जात असल्याने पंतप्रधान नरेंद्र मोदी यांनी अहंकार सोडावा, असा सल्ला देखील काँग्रेसने दिला आहे.

रणदीप सुरजेवाला यांनी ट्विटरवर लिहिले की, “लोकसभेच्या पोटनिवडणुकीत भाजपाने ३ पैकी २ जागा गमावल्या आहेत. काँग्रेस-भाजप३मध्ये थेट लढत असलेल्या विधानसभा निवडणुकीतही भाजपाचा पराभव झाला आहे, हिमाचल, राजस्थान, कर्नाटक, महाराष्ट्र याचा पुरावा आहे. मोदीजी, हट्ट सोडा! तीन काळे कायदे मागे घ्या, पेट्रोल-डिझेल-गॅसची लूट थांबवा, अहंकार सोडा.”

काँग्रेसने मंडी लोकसभा जागा आणि हिमाचलच्या तीनही विधानसभा जागा (फतेहपूर, अर्की आणि जुब्बल-कोटखाई) जिंकल्या आहेत. सुरजेवाला म्हणाले, “लोकसभेच्या तीन जागांवर झालेल्या पोटनिवडणुकीत भाजपचा दोन जागांवर पराभव झाला आहे. विधानसभा पोटनिवडणुकीत काँग्रेसशी थेट लढत झालेल्या बहुतांश जागा भाजपने गमावल्या आहेत.”

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Congress gives advice to pm modi after by election results across the country srk

ताज्या बातम्या