शशी थरुर यांनी मजरुह सुलतानपुरींचा शेर केला ट्वीट, नेहरुंनी त्यांना जेलमध्ये टाकल्याची नेटकऱ्यांनी करुन दिली आठवण | Congress Shashi Tharoor Majrooh Sultanpuri Jawaharlal Nehru Government sgy 87 | Loksatta

शशी थरुर यांनी मजरुह सुलतानपुरींचा शेर केला ट्वीट, लोक म्हणाले “त्यांना तर नेहरुंनी सरकारविरोधी लिखाण केल्याने…”

काँग्रेस अध्यक्षपदाच्या शर्यतीत असणारे शशी थरुर यांचं उमेदवारी अर्ज भरण्यापूर्वी ट्वीट, पाठिंबा वाढत असल्याचे संकेत

शशी थरुर यांनी मजरुह सुलतानपुरींचा शेर केला ट्वीट, लोक म्हणाले “त्यांना तर नेहरुंनी सरकारविरोधी लिखाण केल्याने…”
शशी थरुर यांचं उमेदवारी अर्ज भरण्यापूर्वी ट्वीट

काँग्रेस अध्यक्षपदाच्या शर्यतीत असणारे खासदार शशी थरुर यांनी आपला उमेदवारी अर्ज भरण्यापूर्वी एक ट्विट केलं आहे. या ट्विवट्च्या माध्यमातून त्यांनी आपल्या उमेदवारीला पाठिंबा वाढत असल्याचा दावा अप्रत्यक्षरीत्या केला आहे. यासाठी त्यांनी प्रसिद्ध गीतकार व शायर मजरूह सुलतानपुरी यांच्या एका प्रसिद्ध शेरची मदत घेतली. मात्र त्यांनी हा शेर ट्वीट केल्यानंतर नेटकऱ्यांनी त्यांना इतिहासाची आठवण करुन दिली.

शशी थरुर यांनी काय ट्वीट केलं –

शशी थरुर यांनी मजरूह सुलतानपुरी यांचा प्रसिद्ध शेर ट्वीट केला. ‘मैं अकेला ही चला था जानिब-ए-मंज़िल मगर लोग साथ आते गए और कारवाँ बनता गया’ ही शायरी त्यांनी ट्वीट केली.

राजस्थानचे मुख्यमंत्रीपद, काँग्रेस अध्यक्षपदाबाबत अनिश्चितता; अशोक गेहलोत दिल्लीत, अध्यक्षपदी नव्या नावांची चर्चा

आपल्या इंग्रजी भाषेवरील प्रभुवत्वासाठी ओळखले जाणारे शशी थरुर यांनी उर्दू भाषेतील शायरी ट्विट केल्यानंतर अनेकांनी त्यांचं कौतुक केलं. काहींनी त्यांना काँग्रेस अध्यक्षपदाच्या उमेदवारीसाठी पाठिंबा दिला. मात्र यावेळी काही नेटकऱ्यांनी थरुर यांना जवाहरलाल नेहरुंचं सरकार असताना मजरूह सुलतानपुरी यांना सरकारविरोधी कविता लिहिल्याने कारागृहात टाकलं होतं याची आठवण करुन दिली.

मजरूह सुलतानपुरी यांना १९४९ मध्ये प्रस्थापित सरकारविरोधी लिखाण केल्याने कारागृहात टाकण्यात आलं होत. नेहरु सरकारविरोधात लिहिल्याने त्यांना दोन वर्षांचा कारावास भोगावा लागला होता. ते लिखाण काय होतं जाणून घ्या…

मन में जहर डॉलर के बसा के
फिरती है भारत की अहिंसा
खादी के केंचुल को पहनकर
ये केंचुल लहराने न पाए
अमन का झंडा इस धरती पर
किसने कहा लहराने न पाए
ये भी कोई हिटलर का है चेला
मार लो साथ जाने न पाए
कॉमनवेल्थ का दास है नेहरू
मार ले साथी जाने न पाए

मजरूह सुलतानपुरी यांना माफी मागण्यास सांगण्यात आलं होतं, पण त्यांनी नकार दिला होता. यानंतर त्यांच्यासह बलराज सहानी यांच्यासारख्या अनेक सेलिब्रिटींना कारागृहात जावं लागलं होतं.

शशी थरूर ३० सप्टेंबर रोजी सकाळी ११ वाजता उमेदवारी अर्ज दाखल करणार आहेत. काँग्रेस अध्यक्षपद निवडणुकीच्या वेळापत्रकानुसार २२ सप्टेंबर रोजी अधिसूचना प्रसृत करण्यात आली असून, २४ सप्टेंबरपासून उमेदवारी अर्ज भरण्याची प्रक्रिया सुरू झाली असून, ती ३० सप्टेंबपर्यंत सुरू राहणार आहे. उमेदवारी अर्ज मागे घेण्याची शेवटची तारीख ८ ऑक्टोबर आहे. एकापेक्षा जास्त उमेदवार असल्यास १७ ऑक्टोबरला मतदान होईल आणि १९ ऑक्टोबरला निकाल जाहीर केला जाईल.

मराठीतील सर्व देश-विदेश ( Desh-videsh ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
जम्मू काश्मीरमध्ये आठ तासांत आणखी एक रहस्यमय स्फोट, नेमकं काय चालू आहे?

संबंधित बातम्या

श्रद्धाच्या मृतदेहाचे ३५ तुकडे करण्यासाठी कोणत्या हत्यारांचा वापर केला? नार्को चाचणीत आफताबचे धक्कादायक खुलासे
“फ्रिजमध्ये श्रद्धाच्या मृतदेहाचे तुकडे होते पण…”, आफताबच्या दुसऱ्या गर्लफ्रेंडने सांगितले धक्कादायक अनुभव
बांगलादेशी आणि रोहिंग्यांबद्दलचं वक्तव्य परेश रावल यांना पडलं महागात; माफी मागूनही तक्रार दाखल
“मला माफ करा, मी हा शब्द…”, देवेंद्र फडणवीसांचं गुजरातमध्ये वक्तव्य
VIDEO: “…म्हणून ते ‘हे राम’ आणि ‘जय सिया राम’ म्हणत नाहीत”, राहुल गांधींचं भाजपा आणि आरएसएसवर टीकास्र

व्हिडिओ

ताज्या बातम्या
शिंदे- फडणवीस सरकारला मोठा धक्का, महाविकास आघाडी सरकारच्या विकासकामे रद्दच्या आदेशाला उच्च न्यायालयाची स्थगिती
IND vs BAN: न्यूझीलंडहून परतणारे टीम इंडियाचे खेळाडू खराब व्यवस्थेचे बळी; दीपक चहरने केली तक्रार, जाणून घ्या प्रकरण
‘…यामुळेच सातत्याने अशा घटना घडत आहेत’; वंदे भारत एक्स्प्रेसच्या अपघातांवरून सचिन सावंतांची भाजपावर टीका
‘खात्यात पैसे का नाहीत?‘ म्हणत बाईने घातला बॅंकेत राडा; दगडाने फोडल्या ATM च्या काचा अन्…
उदयनराजेंच्या राज्यपालांविरोधातील भूमिकेचे संजय गायकवाडांकडून समर्थन; म्हणाले, “शिवरायांबाबतच्या वक्तव्यांमुळे…”