उत्तर प्रदेश विधानसभा निवडणुकीसाठी प्रियांका गांधी मैदानात ; काढणार १२ हजार किमी यात्रा!

उत्तर प्रदेशमध्ये आगामी काळात होणाऱ्या विधानसभा निवडणुकीसाठी सर्वच पक्षांनी कंबर कसली आहे

Priyanka-Gandhi-new
(संग्रहित छायाचित्र)

उत्तर प्रदेशमध्ये आगामी काळात होणाऱ्या विधानसभा निवडणुकीसाठी भाजपा, काँग्रेस, बसपासह सर्वच पक्षांनी कंबर कसली आहे. जास्तीत मतदारांपर्यंत पोहचण्यासाठी सर्व पक्ष विविध प्रकारे प्रयत्न करताना दिसत आहेत. याच पार्श्वभूमीवर आता काँग्रेसच्या सरचिटणीस प्रियंका गांधी देखील मैदानात उतरल्या असून, त्या उत्तर प्रदेशमधील गावं आणि शहरांमधून तब्बल १२ हजार किलोमीटरची यात्रा करणार आहेत.

उत्तर प्रदेश विधानसभा निवडणुकीसाठी उत्तर प्रदेश काँग्रेसच्या तयारीचा प्रियंका गांधी आपल्या दोन दिवसीय लखनऊ दौऱ्यात आढावा घेत आहेत. शिवाय, निवडणुकीसाठीच्या रणनितीवर चर्चा देखील करत आहेत.

यावेळी प्रियंका गांधी म्हणाल्या की, काँग्रेसला उत्तर प्रदेशच्या प्रत्येक घरापर्यंत पोहचवण्यासाठी १२ हजार किलोमीटरची ‘हम वचन निभाएंगे’ ही प्रतिज्ञा यात्रा काढली जाईल. यामुळे पक्ष प्रत्येक व्यक्तीच्या जवळ जाऊ शकेल. ही यात्रा उत्तर प्रदेशमधील प्रत्येक मोठं गाव व खेड्यांमधून जाईल. या यात्रेची रुपरेषा देखील निश्चित केली गेली आहे. आता यात्रेचा नेमका मार्ग कसा असेल आणि अन्य मुद्य्यांवर चर्चा केली जात आहे.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Congress under the leadership of its national general secretary priyanka gandhi vadra to take out 12000 km long yatra msr

ताज्या बातम्या