ओडिशामध्ये झालेल्या कोरोमंडल एक्स्प्रेसच्या भीषण अपघातात २८८ प्रवाशांचा मृत्यू झाला, तर १,००० हून अधिक लोक जखमी झाले आहेत. एकीकडे या अपघातातीत मृतांबाबत, जखमींबाबत तसेच मदतकार्याबाबत वेगवेगळ्या बातम्या समोर येत आहेत. अशातच एक वेगळी बातमी समोर आली आहे. अपघाताच्या काही वेळ आधी सीटची अदलाबदल करणारे दोन प्रवासी बचावल्याची घटना समोर आली आहे.

एक व्यक्ती त्याच्या आठ वर्षांच्या मुलीला सोबत घेऊन कोरोमंडल रेल्वेने प्रवास करत होती. परंतु प्रवासादरम्यान, त्यांची मुलगी स्वाती हिने विंडो सीटसाठी हट्ट केल्याने बाप-लेकीने दुसऱ्या डब्यातील प्रवाशांशी सीटची अदला-बदल केली. अपघातावेळी बाप-लेक दोघेही बचावले. ज्या डब्यात त्यांची सीट होती, तो डबा अपघातात पूर्णपणे दुर्घटनाग्रस्त झाला आहे. त्या डब्यातील बहुतांश प्रवासी मृत्यूमुखी पडले आहेत.

Development Plan, Navi Mumbai, Wetlands, Residential Complexes, Political Silence, flamingo, environment,
नवी मुंबई : पाणथळीच्या जागा निवासी संकुलांसाठी खुल्या करण्याचा निर्णय, पर्यावरणप्रेमींचा विरोध, नेत्यांचे सोईस्कर मौन
Jamtara Train accident
झारखंडच्या जामतारा स्थानकाजवळ मोठी दुर्घटना, रेल्वेची १२ प्रवाशांना धडक, दोन जणांचा मृत्यू
shocking video a Passengers travel in toilet overcrowded train
धक्कादायक! प्रवाशांनी चक्क रेल्वेच्या शौचालयात उभं राहून केला प्रवास, रेल्वेतील भयंकर गर्दीचा VIDEO होतोय व्हायरल
fatka gang
दिवा रेल्वे स्थानकात फटका गँगमुळे प्रवाशाने गमावला हात, ठाणे रेल्वे पोलिसांनी केली चोरट्यास अटक

एम. के देब आणि त्यांची मुलगी खडगपूरला ट्रेनमध्ये चढले होते, त्यांना कटक स्थानकावर उतरायचं होतं. त्यांनी डॉक्टरांची शनिवारची अपॉइंटमेंट घेतली होती. त्यांच्याकडे थर्ड एसी कोचचं तिकीट होतं. परंतु मुलीने खिडकीजवळ बसण्याचा हट्ट केला. देब म्हणाले, आम्ही विंडो सीट मिळावी यासाठी प्रयत्न करत होतो. खडगपूरमधील एका अधिकाऱ्याने सांगितलं आमच्याकडे खिडकीजवळची सीट उपलब्ध नाही. त्यानंतर त्यांनी टीसीकडे विनंती करण्यास सांगितलं. शक्य असल्यास इतर प्रवाशांबरोबर सीटची अदलाबदली करून द्यावी, असंही सूचवलं. त्यानुसार टीसी आणि आम्ही दुसऱ्या डब्यात गेलो. तिथल्या दोन प्रवाशांना विनंती केली. ते दोघेही सीटची अदलाबदल करण्यास तयार झाले. मग ते दोघे आम्ही ज्या डब्यात बसलो होते तिथल्या सीटवर जाऊन बसले तर आम्ही त्यांच्या सीटवर जाऊन बसलो. आमच्या डब्यापासून तीन डब्यांनंतर ही सीट होती.

त्या दोन प्रवाशांचं काय झालं?

आपल्या मूळ सीटपासून तीन डबे दूरच्या सीटवर बसून देब आणि त्यांची मुलगी प्रवास करू लागले. त्यानंतर काही वेळाने या रेल्वेचा भीषण अपघात झाला. या अपघातात २८८ प्रवाशांचा बळी गेला. तसेच १,००० हून अधिक प्रवासी जखमी झाले आहेत. सुदैवाने ज्या डब्यातून देब आणि त्यांची मुलगी प्रवास करत होते, त्या डब्याचं फारसं नुकसान झालं नाही. परंतु ज्या डब्यात त्यांची सीट होती, त्या डब्याची अवस्था वाईट होती. त्या डब्यातून प्रवास करणारे बहुतांश प्रवासी मृत्यूमुखी पडले आहेत.

हे ही वाचा >> Odisha Train Accident : कसा झाला अपघात? कारण काय? रेल्वे विभागाने सांगितला संपूर्ण घटनाक्रम

देब यांनी सांगितलं की, त्यांनी ज्या दोन प्रवाशांबरोबर सीटची अदलाबदल केली, त्या प्रवाशांबद्दल त्यांना काहीच माहिती नाही. ते दोघेही सुरक्षित असावेत, अशी प्रार्थना आम्ही देवाकडे करत आहोत.