जगभरातील करोना रुग्णांची संख्या २५ कोटींवर; ५० लाखांपेक्षा जास्त रुग्ण दगावले

जगभरातील एकूण करोना रुग्णांची संख्या २५ कोटींवर पोहोचली आहे.

third wave of corona
(संग्रहित छायाचित्र)

जगभरातील एकूण करोना रुग्णांची संख्या २५ कोटींवर पोहोचली आहे. तर, जगभरात ५० लाखांपेक्षा अधिक मृत्यू झाले आहेत. तसेच ७.२४ अब्जांपेक्षा जास्त लसीकरण झाले आहे, जॉन्स हॉपकिन्स युनिव्हर्सिटीने ही आकडेवारी जारी केली आहे. रविवारी सकाळी जारी केलेल्या ताज्या आकडेवारीनुसार, जगातील एकूण रुग्णसंख्या २५ कोटी ६ लाख १० हजार ४५२वर आहे, तर मृतांची संख्या ५० लाख ४८ हजार ८६५ झाली असून आतापर्यंत ७ अब्ज २४ कोटी ६६ लाख ४ हजार १६४ जणांचं लसीकरण पूर्ण झालंय.

आकडेवारीनुसार, अमेरिका हा जगातील सर्वाधिक ४ कोटी ६४ लाख ८७ हजार ७४० रुग्णसंख्या आणि ७ लाख ५४ हजार ४२९ मृत्यूंसह सर्वात जास्त प्रभावित देश आहे. तर, संसर्गाच्या बाबतीत, भारत ३ कोटी ४३ लाख ५५ हजार ५०९ प्रकरणांसह दुसऱ्या क्रमांकावर आणि २ कोटी १८ लाख ८० हजार ४३९ रुग्णसंख्येसर ब्राझील तिसऱ्या स्थानावर आहे. ३० लाखांहून अधिक रुग्णसंख्या असलेल्या इतर देशांमध्ये अमेरिका, रशिया, तुर्की, फ्रान्स, इराण, अर्जेंटिना, स्पेन, इटली, जर्मनी, इंडोनेशिया, मेक्सिको, युक्रेन आणि पोलंडचा समावेश आहे.

१ लाखांपेक्षा जास्त मृत्यू झालेल्या देशांच्या यादीत ब्राझील ६ लाख ९ हजार ४४७, भारत ४ लाख ६० हजार ७९१, मेक्सिको २ लाख ८९ हजार ६७४, रशिया २ लाख ४२ हजार २४१, पेरू २ लाख ४०९, इंडोनेशिया १ लाख ४३ हजार ५१९, युके १ लाख ४२ हजार २३६, इटली १ लाख ३२ हजार ३९१, कोलंबिया, १ लाख २७ हजार ५३३, इराण १ लाख २७ हजार २९९, फ्रान्स १ लाख १८ हजार ८६६ आणि अर्जेंटिना १ लाख १६ हजार १०४चा समावेश आहे.  

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Corona cases top 250 million worldwide as pandemic deaths cross 50 lakh deaths hrc

Next Story
चीनमधील भूकंपात ५० ठार, १५० जखमी
ताज्या बातम्या