नवी दिल्ली : देशात गेल्या २४ तासांत २,६८,८३३ करोनाबाधितांची नोंद झाल्याची माहिती केंद्रीय आरोग्य विभागाने शनिवारी दिली. त्यामुळे करोनाबाधितांची एकूण संख्या तीन कोटी ६८ लाख ५०,९६२ झाली. ओमायक्रॉनची लागण झालेल्या एकूण रुग्णांची संख्या ६,०४१ आहे. दिवसभरात ४०२ जणांचा करोनाने मृत्यू झाला. त्यामुळे करोनाबळींची एकूण संख्या चार लाख ८५ हजार ७५२ झाली आहे. दैनंदिन रुग्णवाढीचा दर १६.६६ टक्के, तर साप्ताहिक रुग्णवाढीचा दर १२.८४ टक्के आहे. उपचाराधीन रुग्णांची एकूण संख्या १४ लाख १७,८२० असून २२३ दिवसांतील ती सर्वाधिक आहे.