Corona Update : देशात गेल्या २४ तासात १०,४८८ नवीन रुग्ण; ३१३ रुग्णांचा मृत्यू

आरोग्य मंत्रालयाच्या आकडेवारीनुसार, देशात आता एकूण १,२२,७१४ सक्रिय रुग्ण शिल्लक आहेत.

india coronavirus deaths active cases vaccinations

देशात करोनाचा वेग मंदावला आहे. दैनंदिन रुग्ण संख्या कमी होत आहेत. मात्र, शनिवारच्या तुलनेत रविवारी रुग्णांच्या संख्येत किंचित वाढ नोंदवण्यात आली आहे. आरोग्य मंत्रालयाने रविवारी जारी केलेल्या आकडेवारीनुसार, गेल्या २४ तासांत करोनाचे १०,४८८ नवीन रुग्ण आढळले आहेत. त्याच वेळी, 313 लोकांचा मृत्यू झाला. तर १२,३२९ रुग्ण करोनावर मात करुन घरी परतले आहेत.

आरोग्य मंत्रालयाच्या आकडेवारीनुसार, देशात आता एकूण १,२२,७१४ सक्रिय रुग्ण शिल्लक आहेत. शनिवारी जारी केलेल्या आकडेवारीनुसार, गेल्या २४ तासांत १०,३०२ रुग्णांचीन नोंद करण्यात आली होती तर २६४ जणांना आपला जीव गमवावा लागला. देशातील करोनामधून बरे होण्याचा दर ९८.२९ टक्के आहे. देशात आतापर्यंत एकूण ३,३९,२२,०३७ लोक करोनातून बरे झाले आहेत. त्याच वेळी, ४,६५,६६२ लोकांचा करोनामुळे मृत्यू झाला आहे. याशिवाय देशात आतापर्यंत एकूण ३,४५,१०,४१३ करोना रुग्ण आढळले आहेत.

लोकांना करोनापासून वाचवण्यासाठी भारत सरकार सातत्याने करोना लसीकरण मोहीम राबवत असून, त्याअंतर्गत आतापर्यंत १,१६, ५०, ५५, २१० लसी देण्यात आल्या आहेत. केंद्रीय आरोग्य मंत्रालयाने ही माहिती दिली आहे. शनिवारी ६७ लाख २५ हजार ९७० डोस देण्यात आले. इंडियन कौन्सिल ऑफ मेडिकल रिसर्च (आयसीएमआर) ने माहिती दिली आहे की २० नोव्हेंबरपर्यंत देशभरात करोनाच्या ६३ कोटी १६ लाख ४९ हजार ३७८ नमुन्यांची चाचणी घेण्यात आली होती. त्यापैकी शनिवारी १० लाख ७४ हजार ९९ नमुन्यांची चाचणी घेण्यात आली होती.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Covid 19 update in india coronavirus deaths active cases vaccinations abn 97

Next Story
पेट्रोल, डिझेल, एलपीजी दरात पुढील आठवडय़ात वाढ?