देशात सध्या यूजीसी नेट परीक्षेवरून चांगलचा गोंधळ सुरू आहे. या परिक्षेचा पेपर फुटल्याचा संशयानंतर केंद्र सरकारने यूजीसी नेट परीक्षा रद्द केल्याची घोषणा दोन दिवसांपूर्वी केली. त्यानंतर आता आज सीएसआयआर यूजीसी नेट २०२४ ही परीक्षा पुढे ढकलण्याची घोषणा नॅशनल टेस्टिंग एजन्सीने केली आहे. यासंदर्भात नॅशनल टेस्टिंग एजन्सीने एक पत्रक जारी केलं आहे. तसेच सीएसआयआर यूजीसी नेट २०२४ ही परीक्षा पुढे का ढकलण्यात आली? याचेही स्पष्टीकरण देण्यात आले आहे.

यासंदर्भात नॅशनल टेस्टिंग एजन्सीने आज २१ जून रोजी एक पत्रक प्रसिद्ध केलं आहे. त्यामध्ये सांगितंल की, या निर्णयामागे लॉजिस्टिक समस्येचे कारण असून काही अपरिहार्य कारणामुळे ही परीक्षा पुढे ढकलण्यात आली असल्याचं सांगण्यात आलं आहे. दरम्यान, ही सीएसआयआर यूजीसी नेट २०२४ ही परीक्षा २५ जून ते २७ जून या कालावधीत होणार होती. मात्र, या परीक्षेला अवघे काही दिवस बाकी असताना आता परीक्षा पुढे ढकलण्यात आल्याची घोषणा केली आहे.

19 kg LPG cylinder rates slashed by Rs 30 form today
LPG Gas Cylinder Price : गॅस सिलिंडरच्या दरात मोठी कपात; आता किती रुपयांना मिळणार सिलिंडर? असे आहेत नवे दर!
cet cell admission dates marathi news
सीईटी कक्षाकडून प्रवेशाच्या संभाव्य तारखा जाहीर
Net exam
UGC-NET २०२४ परीक्षेसाठी नवीन तारखा जाहीर; पेपरफुटी रोखण्यासाठी आता नव्या पद्धतीने होणार परीक्षा!
upsc student shared a timetable of 10 hours study in a day
UPSC च्या विद्यार्थीनीने शेअर केले अभ्यासाचे वेळापत्रक, दिवसातून १० तास अभ्यास कसा करायचा; पाहा PHOTO
Gold prices, Budget, Gold prices fall,
अर्थसंकल्पानंतर सोन्याच्या दरात आपटी, हे आहेत आजचे दर
Natasa Shares Cryptic Video As Hardik Pandya Returns
हार्दिक पंड्याची पत्नी नताशाने टीम इंडिया भारतात येताच केलेली पोस्ट पाहून घटस्फोटाच्या चर्चांना उधाण; लिहिलं, “तेव्हा माझं रक्षण..”
IAS Pooja Khedkar father Dilip Khedkar
Pooja Khedkar Father First Reaction : IAS पूजा खेडकर यांचे वडील दिलीप खेडकर यांची पहिली प्रतिक्रिया; म्हणाले, “माझ्या मुलीने चूक…”
Best Selling SUV
मारुतीची Wagon R नव्हे तर Tata ची ‘ही’ स्वस्त SUV खरेदीसाठी उडतेय ग्राहकांची झुंबड, ३० दिवसात १८ हजाराहून अधिक गाड्यांची विक्री

हेही वाचा : ‘बौद्ध धर्मात दोन स्तर, वरीष्ठ स्तरावर ब्राह्मण…’, शालेय पुस्तकातील उल्लेखावर आक्षेप; गुजरात बोर्डाचं चुका सुधारण्याचं आश्वासन!

परीक्षा कधी होणार?

सीएसआयआर यूजीसी नेट २०२४ ही परीक्षा पुढे ढकलण्यात आल्यानंतर आता ही परीक्षा कधी होणार असा सवाल अनेकांनी केला आहे. मात्र, यासंदर्भात परीक्षेचे सुधारित वेळापत्रक लवकरच अधिकृत संकेतस्थळावर प्रसिद्ध करण्यात येणार असल्याची माहिती नॅशनल टेस्टिंग एजन्सीने दिली आहे. आज जारी करण्यात आलेल्या पत्रकात म्हटलं आहे की, सीएसआयआर यूजीसी नेट २०२४ ही परीक्षा पुढे ढकलण्यात येत आहे. तरी पुढील परीक्षेसंदर्भातील माहिती सीएसआयआर यूजीसी नेटच्या अधिकृत वेबसाइट csirnet.nta.ac.in वर देण्यात येईन. दरम्यान, देशातील सर्वात मोठी परीक्षा एजन्सी परीक्षा यशस्वीपणे पार पाडण्यात असमर्थ ठरत असल्याची टीका आता होत आहे.

यूजीसी नेट ही परीक्षा का रद्द करण्यात आली?

UGC-NET 2024 मंगळवारी (१८ जून) विद्यापीठ अनुदान आयोग-राष्ट्रीय पात्रता परीक्षा (यूजीसी नेट) ही परीक्षा पार पडली. त्याच्या दुसर्‍याच दिवशी म्हणजे बुधवारी शिक्षण मंत्रालयाने परिपत्रक काढत ही परीक्षा रद्द केली. केंद्रीय गृह मंत्रालयाला या परीक्षेत अनियमितता आढळून आली. मंत्रालयाच्या अखत्यारीत येणार्‍या भारतीय सायबर क्राइम को-ऑर्डिनेशन सेंटरच्या नॅशनल सायबर क्राईम थ्रेट ॲनालिटिक्स युनिटला परीक्षेविषयी महत्त्वपूर्ण माहिती प्राप्त झाली. ज्यानंतर परीक्षा रद्द करण्यात आली. परीक्षा रद्द झाल्यामुळे या वर्षी परीक्षेला बसलेल्या नऊ लाखांहून अधिक विद्यार्थ्यांना मोठा फटका बसला आहे. या निर्णयाला विद्यार्थी संघटनांनी विरोध दर्शविला आहे. आता विद्यार्थ्यांना पुन्हा एकदा परीक्षा द्यावी लागणार आहे. काही दिवसांपूर्वी नीट-यूजीचे कथित पेपर लीक प्रकरण समोर आल्यानंतर वाढीव गुण देण्यात आलेल्या १,५६३ विद्यार्थ्यांना पुन्हा परीक्षा द्यावी लागेल हा निर्णय घेण्यात आला होता. त्यानंतर आता यूजीसी नेट परीक्षेतही असेच काहीसे घडल्याने देशभरातील विद्यार्थ्यांमध्ये संतापाचे वातावरण आहे.