‘कोविड स्पेशल ट्रेन’मधून ४० लाख रुपयांच्या सिगारेट जप्त, कस्टम विभागाची कारवाई

पीटीआयच्या वृत्तानुसार, कस्टम विभागाने ‘पॅरिस’ ब्रँडच्या ४.५ लाख सिगारेट जप्त केल्या आहेत. जप्त केलेल्या सर्व सिगारेटची एकूण किंमत जवळपास ४० लाख रुपये असल्याचं सांगितलं जात आहे. बांगलादेशमधून या सिगारेट आणल्याची शक्यता वर्तवण्यात आली आहे. लॉकडाउनमध्ये हावडाहून अमृतसरमार्गे दिल्ली धावणाऱ्या स्पेशल ट्रेनच्या माल डब्ब्यामधून या सिगारेट जप्त केल्याचं अधिकाऱ्यांनी बुधवारी(दि.८) सांगितलं.

बांगलादेशमध्ये तयार झालेल्या या सिगारेट हावडा येथे ट्रेनच्या डब्ब्यात ठेवल्याची शंका यावेळी अधिकाऱ्यांनी व्यक्त केली. अद्याप याप्रकऱणी कोणालाही अटक झालेली नाही. याबाबत अधिक तपास सुरू आहे अशी माहिती अधिकाऱ्यांनी दिली आहे.