अंडरवर्ल्ड डॉन दाऊद इब्राहिमच्या मुंबईतील एका नातेवाईकाची उत्तर प्रदेशमध्ये गोळ्या झाडून हत्या करण्यात आली. या नातेवाईकाचे नाव निहाल खान असून तो मुंबईतील भायखळा परिसरात राहात होता. मिळालेल्या माहितीनुसार एका लग्नसमारंभासाठी निहाल खान हे उत्तर प्रदेशच्या जलालाबादमध्ये गेले होते. या लग्नसमारंभादरम्यान त्यांची मानेत गोळ्या झाडून हत्या करण्यात आली.

निहाल खान हा दाऊन इब्राहिमचा भाऊ इक्बाल कासकरचा मेहुणा होता. निहाल खान यांची बहीण रिझवाना हसन इक्बाल कासकरची पत्नी आहे. इक्बाल कासकर हा खंडणीच्या प्रकरणात २०१८ सालापासून तळोजा येथील मध्यवर्ती कारागृहात आहे.

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Dawood ibrahim relative shot dead in uttar pradesh jalalabad prd
First published on: 24-02-2024 at 15:42 IST