दोन वर्षापूर्वी पोलिसांनी एका कुख्यात गुंडाचा गोळ्या घालून एन्काउंटर केला होता. पण, आता दोन वर्षानी त्याचं थडगं उघडलेलं दिसलं. त्यातील गुंडाचा मृतदेहही गायब होता. पोलिसांनी तपास केल्यावर धक्कादायक बाब समोर आली आहे. एका १५ वर्षीय मुलीने आरोपीचा मृतदेह थडग्यातून पुन्हा बाहेर काढला होता. ही घटना ब्राझीलच्या गोइआस राज्यातील आहे.

या बातमीसह सर्व प्रीमियम कंटेंट वाचण्यासाठी साइन-इन करा

नेमकं काय आहे प्रकरण?

२७ वर्षीय लाजारो बारबोसा डी सूझा हा शहरातील कुख्यात गुंड होता. त्यावर खून, बलात्कार, मारहाण, अपहरणासारखे अनेक गुन्हे दाखल होते. ९ जून २०२१ साली सीलैंडिया येथे एका कुटुंबातील चार जणांचा खून करून लाजारो बारबोसा डी सूझा फरार झाला होता. या घटनेच्या काही महिन्यानंतर बारबोसा पोलीस एन्काउंटरमध्ये मारला गेला.

हेही वाचा : २० वेळा चाकूनं भोसकलं, नंतर दगडानं ठेचलं… अल्पवयीन मुलीच्या निर्घृण हत्येनं राजधानी दिल्ली हादरली!

पण, दोन वर्षानंतर आता बारबोसाचं नाव पुन्हा चर्चेत आलं आहे. कारण, थडग्यातून मृतदेह बाहेर काढल्याने. एका १५ वर्षीय तरुणीने थडग्यातून बारबोसाचा मृतदेह बाहेर काढला. जेव्हा लोकांना थडग्यातून मृतदेह झाल्याची माहिती मिळाली, तेव्हा एकच खळबळ उडाली आहे.

याबाबत पोलीस तपास समोर धक्कादायक खुलासे समोर आले आहेत. पोलिसांनी सांगितलं की, १५ वर्षीय तरुणीने आपल्या मित्राबरोबर थडगं खोदलं होतं. कारण, बारबोसा तिच्या स्वप्नात आला येऊन मदत मागत होता. बारबोरसाने म्हटलं की, तो जिवंत असून, त्याला बाहेर काढावं. त्यानंतरच तरुणीने २१ वर्षीय मित्राच्या मदतीने थडग्यातून बारबोसाचा मृतदेह बाहेर काढला.

हेही वाचा : दिल्लीत अल्पवयीन मुलीची चाकूने भोसकून आणि दगडाने ठेचून हत्या करणाऱ्या तरुणाला पोलिसांनी केली अटक

पोलीस अधिकारी राफोल नेरिसने माध्यमांना सांगितलं की, “तरुणी अल्पवयीन आहे. सीसीटीव्हीच्या माध्यमातून तरुणीला ताब्यात घेण्यात आलं. सध्या तिला अटक करण्यात आली आहे. स्वप्न पाहिल्यानंतर थडग्यातून मृतदेह बाहेर काढल्याचं तिनं कबूल केलं आहे. तेथील माती दोघांच्या कपड्यांना लागली होती. तपासानंतर मृतदेह परत पुरण्यात आला आहे.” ‘आज तक’ने याबद्दल वृत्त दिलं आहे.

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Dead body criminal missing from grave 15 year teel girl arrested police ssa
First published on: 29-05-2023 at 17:19 IST