Death threat to BJP leader For performing Durga Puja spb 94 | Loksatta

दुर्गापूजा करणाऱ्या भाजपा नेत्याला जीवे मारण्याची धमकी

रुबी खान यांच्या विरोधात अशाच प्रकारचा फतवा गणेशोत्सवादरम्यानही निघाला होता. त्यावेळी त्यांना जीवे मारण्याच्या धमक्या दिल्यात जात होत्या.

दुर्गापूजा करणाऱ्या भाजपा नेत्याला जीवे मारण्याची धमकी
फोटो सौजन्य – एएनआय वृत्तसंस्था

उत्तरप्रदेशच्या अलीगडमध्ये भाजपाच्या मुस्लीम नेत्या रुबी असीफ खान यांना नवरात्री निमित्त दुर्गापूजा केल्याच्या कारणावरून जीवे मारण्याची धमकी मिळाल्याचा प्रकार उघडकीस आला आहे. रुबी खान यांच्या विरोधात जागोजागी पत्रकं लावण्यात आली असून त्यावर ‘काफीर’ असं लिहीण्यात आलं आहे. तसेच त्यांना आणि त्यांच्या कुटूंबियांना बहिष्कृत करून जिवंत जाळले पाहिजे असेही या पत्रकावर लिहिले आहे.

हेही वाचा – देवीला दाखवतात चक्क ‘चायनीज’चा प्रसाद; ‘ही’ देवी आहे भक्तांसाठी आकर्षण…

“सकाळी कोणीतरी दरवाज्याची बेल वाजवली. आम्ही दरवाजा उघडून बघितले असता, आमच्या शेजारच्या भिंतींवर काही पत्रकं चिपकवलेले दिसली. आम्ही काही पत्रकं काढून टाकलीत. तसेच आम्ही या घटनेची माहिती पोलिसांना दिली”, अशी प्रतिक्रिया रुबी खान यांनी दिली. या घटनेनंतर रुबी खान यांनी मुख्यमंत्री योगी आदित्यनाथ यांना पत्र लिहत सुरक्षेची मागणी केली आहे.

दरम्यान, याबाबत रुबी खान यांचे पती आसिफ खान यांनीही प्रतिक्रिया दिली. ते म्हणाले, “आम्ही हिंदू मुस्लीम एकतेचा संदेश देण्याचा प्रयत्न करत आहोत. मात्र, काही लोकं आम्हाला बदनाम करत आहेत. काही दिवसांपूर्वी खोटे ट्वीटर खाते उघडून आम्हाला शिवीगाळ करण्यात आली होती.”

हेही वाचा – नवरात्रोत्सवातच एक कोटी केंद्रीय कर्मचाऱ्यांची दिवाळी! मोदी सरकारकडून महागाई भत्त्यात घसघशीत वाढ; पाहा कोणाचे वेतन कितीने वाढले

भाजपा आणि हिंदू महासभा यांनीही रुबी खान यांचे समर्थन केले आहे. आपले संविधान कोणत्याही देवदेवतेची पूजा करण्याची परवानगी देते. त्यामुळे त्यांना त्रास देण्याऱ्यांवर कठोर कारवाई व्हावी, अशी प्रतिक्रिया भाजपाच्या स्थानिक नेत्या शकुंतला भारती यांनी दिली आहे.

हेही वाचा – आदिमाया रेणुका मातेच्या दर्शनासाठी तीर्थक्षेत्र माहूरगडावर भाविकांची अलोट गर्दी

रुबी आसिफ खान या भाजपाच्या स्थानिक नेत्या असून त्या अनेक दिवसांपासून हिंदू देवतांची पूजा करत आहेत. रुबी खान यांच्या विरोधात अशाच प्रकारचा फतवा गणेशोत्सवादरम्यानही निघाला होता. त्यावेळी त्यांना जीवे मारण्याच्या धमक्या दिल्यात जात होत्या. तसेच दोन वर्षांपूर्वी त्यांनी त्यांच्या घरी राम दरबार आयोजित केला होता. त्यानंतर त्यांच्यावर हल्लाही करण्यात आला होता.

मराठीतील सर्व देश-विदेश ( Desh-videsh ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
शशी थरुर यांनी मजरुह सुलतानपुरींचा शेर केला ट्वीट, लोक म्हणाले “त्यांना तर नेहरुंनी सरकारविरोधी लिखाण केल्याने…”

संबंधित बातम्या

VIDEO: “त्याने आमच्या बहिणीचे ३५ तुकडे केले, आम्ही त्याचे…” आफताबच्या वाहनावर तलवारीने हल्ला करणाऱ्या व्यक्तीची धमकी
हायकोर्ट नगर रचनाकार आहे का? सर्वोच्च न्यायालयाची उच्च न्यायालयाच्या ‘त्या’ आदेशाला स्थगिती
आफताबवर तलवारीने हल्ला का केला? हिंदू सेनेचा कार्यकर्ता म्हणाला, “आम्ही त्याला फाडून…”
आंध्रप्रदेशचे मुख्यमंत्री जगन मोहन रेड्डींच्या बहिणीला तेलंगणात अटक, गाड्यांचीही जाळपोळ; काय आहे प्रकरण?
सुरतमध्ये रोड शोवरील दगडफेकीनंतर केजरीवालांचा भाजपावर हल्लाबोल; म्हणाले, “२७ वर्षे काम केलं…”

व्हिडिओ

ताज्या बातम्या
सुरतमध्ये रोड शोवरील दगडफेकीनंतर केजरीवालांचा भाजपावर हल्लाबोल; म्हणाले, “२७ वर्षे काम केलं…”
लाचलुचपत प्रतिबंधक विभागाच्या महिला पोलीस निरीक्षकासह पतीच सापळ्यात अडकला; औरंगाबाद येथील पथकाची कारवाई
बाईक टॅक्सी ॲपवर १० डिसेंबरपर्यंत कारवाई करण्याचे आश्वासन; पुण्यातील रिक्षाचालकांचा बंद अखेर मागे
“हा प्रोपगंडा आणि वल्गर चित्रपट…” IFFI मध्ये मुख्य ज्यूरींनीच साधला ‘द काश्मीर फाईल्स’वर निशाणा
VIDEO: “त्याने आमच्या बहिणीचे ३५ तुकडे केले, आम्ही त्याचे…” आफताबच्या वाहनावर तलवारीने हल्ला करणाऱ्या व्यक्तीची धमकी