दिल्लीमधील श्रद्धा वालकर हत्या प्रकरणामुळे संपूर्ण देशात खळबळ उडाली. श्रद्धाला संपवण्यासाठी आरोपी आफताब अमीन पूनावालाने दाखवलेल्या क्रूरतेमुळे आश्चर्य व्यक्त केला जातोय. ही घटना ताजी असतानाच पुन्हा एकदा दिल्लीमध्ये अशीच एक घटना घडली आहे. येथे एका महिलेने तिच्या मुलाला सोबत घेऊन आपल्या पतीचा खून केला आहे. आरोपी आफताबने श्रद्धा वालकरच्या मृतदेहाचे तुकडे ज्या पद्धतीने फ्रिजमध्ये ठेवले होते, अगदी तशाचा प्रकारे या महिलेनेदेखील तिच्या पतीचे तुकडे फ्रिजमध्ये ठेवले होते. दिल्ली पोलिसांनी आरोपी महिला आणि तिच्या मुलाला बेड्या ठोकल्या आहेत.

नेमका प्रकार काय?

Thane Housing Court
ठाणे हाऊसिंग अदालतीत तक्रारदारांना दिलासा, प्रलंबित १२० पैकी ११० तक्रारींवर निर्णय
sandeshkhali shahajahan shiekh
Sandeshkhali Case: लैंगिक अत्याचार प्रकरणातील फरार आरोपी आणि तृणमूल काँग्रेसच्या नेत्याला अटक नेमकी कशी झाली?
santhan rajiv gandhi case convict
राजीव गांधी हत्या प्रकरणातील दोषीचा सुटकेनंतर दोन वर्षांनी मृत्यू; आरोपी संथन कोण होता?
Rajendra Pawar vs Ajit Pawar
“..आणि तेव्हापासून पवार कुटुंबीयात दुरावा निर्माण झाला”, बारामतीमध्ये निनावी पत्र व्हायरल; राजेंद्र पवार म्हणाले…

एएनआयने दिलेल्या वृत्तानुसार दिल्लीमधील एका महिलेने मुलाला सोबत घेऊन आपल्या पतीची हत्या केली आहे. या महिलेचे नाव नाव पूनम तर मुलाचे नाव दीपक असे आहे. हत्या झालेल्या पुरूषाचे नाव अंजन दास असे आहे. पोलिसांनी आरोपी महिला आणि तिच्या मुलाला ताब्यात घेतले आहे. महिलेने आपल्या पतीचा खून करून मृतदेहाचे अनेक तुकडे केले. त्यानंतर मृतदेहाचे तुकडे फ्रिजमध्ये ठेवून ठेवले. तसेच हे तुकडे पांडव नगर परिसरातील मैदानावर फेकून देऊन, मृतदेहाची विल्हेवाट लावण्याचा प्रयत्न केला. श्रद्धा वालकर हत्या प्रकरणामुळे देशभरात खळबळ उडालेली असताना ही घटना समोर आल्यामुळे आश्चर्य व्यक्त केले जात आहे.

आफताब तिहार जेलमध्ये आत्महत्या करु शकतो?

दरम्यान, श्रद्धा वालकरचा निर्घृणपणे खून करुन मृतदेहाचे ३५ तुकडे करणाऱ्या आफताब पूनावाला याच्यावर जेलमध्ये पाळत ठेवण्यात येत आहे. आफताब सध्या तिहार जेलमध्ये बंद असून, तो आत्महत्या करु शकतो अशी भीती पोलिसांना आहे. आफताबला कोठडीतून बाहेर जायचं असेल तर कारागृहाचे दोन कर्मचारी सतत त्याच्यासह असणार आहेत. आफताबला २८, २९ नोव्हेंबर आणि २ डिसेंबरला चाचणीसाठी नेण्यात येणार आहे. नार्को चाचणीआधी आफताबची पॉलिग्राफ चाचणी केली जात आहे.