धक्कादायक! नातवावर अंत्यसंस्कार करण्यासाठी गेले असता बापानेच मुलीवर बलात्कार करुन केली हत्या

पीडित महिला आणि आजारामुळे मृत्यू झालेल्या तिच्या आठ महिन्याच्या मुलाचा मृतदेह दोन दिवसांपूर्वी जंगलात सापडला होता

Rape, Murder, Madhya Pradehsh, MP

जातीबाहेरील तरुणावर प्रेम करत लग्न केल्याने बापानेच आपल्या मुलीवर बलात्कार केल्याची धक्कादायक घटना समोर आली आहे. मध्य प्रदेशातील भोपाळ जिल्ह्यात ही घटना घडली आहे. पोलिसांनी आरोपी पित्याला अटक केली आहे. पोलीस याप्रकरणी अधिक तपास करत आहेत.

पीडित महिला आणि आजारामुळे मृत्यू झालेल्या तिच्या आठ महिन्याच्या मुलाचा मृतदेह दोन दिवसांपूर्वी जंगलात सापडला होता. कुटुंबाने दिलेल्या माहितीनुसार, चिमुरड्यावर अंत्यसंस्कार करण्यासाठी आरोपी मुलीला घेऊन जंगलात गेला होता. तिथे दोघांचंही एक वर्षापूर्वी झालेल्या या लग्नावरुन भांडण झालं. यानंतर पित्याने मुलीवर बलात्कार करत गळा दाबून तिची हत्या केली. आरोपीने पोलिसांकडे गुन्ह्याची कबुली दिली असून त्याला बेड्या ठोकण्यात आल्या आहेत.

पोलिसांनी दिलेल्या माहितीनुार, दोन दिवसांपूर्वी जंगलात मृतदेह सापडल्यानतंर तपास सुरु केली असता महिलेची ओळख पटली होती. चौकशीदरम्यान आरोपी आपल्या मुलीने वर्षभरापूर्वी पळून जाऊन लग्न केल्याने नाराज असल्याची माहिती मिळाली. त्याची चौकशी केली असता त्याने गुन्ह्याची कबुली दिली.

पळून जाऊन लग्न केल्यानंतर पीडित तरुणी आपल्या घरी आली नव्हती. पण दिवाळीला मोठ्या बहिणीच्या घरी आली असता आजारामुळे तिच्या मुलाचा मृत्यू झाला. यावेळी बहिणीने फोन करुन वडिलांना माहिती दिली असता ते पोहोचले होते. पोलीस याप्रकरणी अधिक तपास करत आहेत.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Father raped and killed daughter for marrying outside case in madhya pradesh sgy

Next Story
खोबऱ्याच्या तेलाचा वापर टूथपेस्टमध्ये करणे शक्य
ताज्या बातम्या