तेलंगणमधील भूमिगत पॉवर प्लाटंमध्ये आग, १० जणांची सुटका; आठ जण अडकल्याची भीती

गुरुवारी रात्री १०.३० वाजण्याच्या सुमारास आग लागली

तेलंगण येथील श्रीशैलम धरणावरील किनाऱ्यावर असणाऱ्या भूमिगत हायड्रोइलेक्ट्रिक पॉवर स्टेशनमध्ये शॉर्ट सर्किटमुळे आग लागली आहे. या आगीमुळे पॉवर प्लांटच्या युनिट चारमध्ये स्फोट झाले. गुरुवारी रात्री १०.३० वाजण्याच्या सुमारास ही आग लागली.

आग लागली तेव्हा पॉवर स्टेशनमध्ये २५ कर्मचारी उपस्थित होते. तेलंगण राज्य वीज निर्मिती महामंडळाचे कर्मचारी काम करत होते. आतापर्यंत १० जणांची सुटका करण्यात आली असून आठ जण बेपत्ता असून त्यांचा शोध सुरु आहे. हे धरण कृष्णा नदीवर स्थित असून आंध्र प्रदेश आणि तेलंणगला विभाजित करतं.

या भूमिगत पॉवर प्लांटमध्ये सहा पॉवर जनरेटर आहेत. चौथ्या पॅनेलमध्ये ही आग लागली. आग लागल्यानंतर तिथे उपस्थितर अधिकाऱ्यांनी विझवण्याचा प्रयत्न केला. पण आग विझवण्यात त्यांना यश मिळालं नाही.

आग लागल्यानंतर मोठ्या प्रमाणात धूर झाल्याने बचावकार्यात अडथळा निर्माण झाला. त्यासोबतच वीज गेल्यानेही अडथळा निर्माण होत होता. राज्य सरकारने यानंतर बचावकार्यासाठी एनडीआरएफची मदत घेतली.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Fire at srisailam power station in telangana sgy

Next Story
पेट्रोल, डिझेल, एलपीजी दरात पुढील आठवडय़ात वाढ?
ताज्या बातम्या