भाजपाचे जेष्ठ नेते व खुज्जी विधानसभा मतदार संघाचे माजी मंत्री रजिंदरपाल सिंग भाटिया यांनी रविवारी आपल्या राहत्या घरी गळफास घेऊन आत्महत्या केली. आत्महत्याचे कारण अद्याप समजू शकले नाही. पोलिस या प्रकरणाचा तपास करीत आहेत. राजिंदरपाल सिंग भाटिया खुज्जी विधानसभा मतदारसंघातून तीन वेळा आमदार म्हणून निवडून आले होते. मिळालेल्या माहितीनुसार रजिंदरपाल सिंग भाटिया हे आपल्या लहान भावासोबत छुरिया भागात राहत होते.रविवारी संध्याकाळी ते एकटेच घरी होते. कुटुबांतील सदस्य जेव्हा घरी पोहचले तेव्हा ते गळफास घेतलेल्या स्थितीत दिसून आले. या सर्व घटनेची महिती पोलिसांना देण्यात आली. सुत्रांच्या माहीतीनुसार ते गेल्या काही दिवसापासून आजारी होते.
