मध्य प्रदेशात दहा दिवसांत चार वाघांचा मृत्यू

सात मे रोजी वारासिवनी तहसीलात एका १२ ते २४ महिन्यांच्या वाघाचा मृत्यू झाला होता.

(संग्रहित छायाचित्र)

भोपाळ : मध्य प्रदेशात रेडिओ कॉलर लावण्यात आलेल्या एका वाघिणीचा पन्ना अभयारण्यात मृत्यू झाल्याचे दिसून आले आहे. गेल्या दहा दिवसांत विविध अभयारण्यात चार वाघांचा मृत्यू झाला आहे.

शनिवारी घारीघाट परिक्षेत्रात एका वाघिणीचा मृतदेह सापडला असून पन्ना अभयारण्य भोपाळपासून ३५० कि.मी अंतरावर आहे. १२ मे रोजी या वाघिणीच्या डाव्या पायाला सूज आली होती. नंतर तिला इंजेक्शनने शांत करून पुन्हा सोडून देण्यात आले. शनिवारी वन अधिकाऱ्यांना या वाघिणीचा मृतदेह सापडला असून तिची शिकार झाल्याची शक्यता नाही.कोत्याआधी शुक्रवारी बांधवगड अभयारण्यात एका वाघाचा मृतदेह सापडला होता. ८ मे रोजी कान्हा व्याघ्र अभयारण्यात एका वाघाचा मृत्यू झाला होता.  सात मे रोजी वारासिवनी तहसीलात एका १२ ते २४ महिन्यांच्या वाघाचा मृत्यू झाला होता.

मध्य प्रदेशात कान्हा, बांधवगड, पेंच, सातपुडा व पन्ना ही व्याघ्र अभयारण्ये असून राज्याने २०१८ मध्ये वाघांच्या संख्येत पहिला क्रमांक मिळवला असून तेथे ५२६ वाघ आहेत.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Four tigers die in ten days in madhya pradesh zws

Next Story
बराक ओबामा यांची रोम्नींवर टीका
ताज्या बातम्या