scorecardresearch

सेल्फी काढताना पाय घसरुन नदीत पडला, मित्र पळाले मात्र छोट्या भावाने पाण्यात उडी मारली; पण..

सेल्फीचं खूळ जीवावर बेतलं; १६ वर्षाचा मुलगा नदीत बुडाला

teenager drowns While Clicking Selfies
(प्रातिनिधिक फोटो)

मित्रांसोबत नदीकाठी सेल्फी काढण्याच्या नादात एका १६ वर्षीय तरुणाला आपला जीव गमवावा लागला आहे. झारखंडमधील सिंगभूम जिल्ह्यात ही घटना घडली आहे. मित्रांसोबत सेल्फी काढत असताना नदीत बुडून त्याचा मृत्यू झाल्याची माहिती पोलिसांनी दिली आहे.

विक्रांत सोनी आपला भाऊ आणि चार मित्रांसोबत जमशेदपूरमधील बागबेडा पोलीस स्टेशन हद्दीतील खारखाई नदीच्या बडोदा घाटावर गेला होता. यावेळी सेल्फी काढत असताना पाय घसरुन तो नदीत पडला आणि वाहून गेला असं पोलिसांनी सांगितलं आहे.

विक्रांत नदीत पडल्यानंतर त्याचे मित्र घाबरले आणि पळून गेले. मात्र त्याचा भाऊ त्याला वाचवण्याचा प्रयत्न करत होता. काही वेळाने विक्रांतचा भाऊदेखील नदीत बुडू लागला होता. पण स्थानिकांनी धाव घेत त्याला वाचवलं असं अधिकाऱ्याने सांगितलं आहे. पाण्यात वाहून गेलेला विक्रांतचा मृतदेह दोन तासांनी सापडला अशी माहिती पोलिसांनी दिली आहे.

मराठीतील सर्व देश-विदेश ( Desh-videsh ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Friends panic and ran away but younger brother tried to save brother after teenager drowns while clicking selfies in jharkhand sgy