बारी (इटली) : जी ७ समूहाच्या शिखर बैठकीसाठी इटलीतील अपुलिया येथे गेलेले पंतप्रधान नरेंद्र मोदी यांनी शुक्रवारी अनेक महत्त्वाच्या राष्ट्रप्रमुखांशी विविध विषयांवर चर्चा केली. या परिषदेस प्रथमच हजेरी लावणारे ख्रिस्ती धर्मियांचे सर्वोच्च धर्मगुरू पोप फ्रान्सिस यांचीही मोदींनी भेट घेतली.

अमेरिका, ब्रिटन, जर्मनी, फ्रान्स, कॅनडा, इटली आणि जपान या जी ७ समूहाच्या राष्ट्रांबरोबरच भारतासह आफ्रिका आणि आशियातील काही देशांशी संवाद साधण्याच्या ‘आऊटरीच’ धोरणाअंतर्गत या परिषदेचे निमंत्रण मिळाले आहे. युक्रेन युद्ध, पश्चिम आशियातील संघर्ष, वातावरण आणि ऊर्जा, स्थलांतरण, अन्न सुरक्षा, कृत्रिम प्रज्ञेचा वापर असे अनेक मुद्दे कार्यक्रमपत्रिकेवर आहेत. इटलीच्या पंतप्रधान जॉर्जिया मेलोनी परिषदेच्या यजमान आहेत.

constitution
संविधानभान: कर्तव्याचे काव्य
Loksatta Chandani Chowkatun Dilliwala Appointment of new state president in Haryana
चांदनी चौकातून: कोणता मंत्री अध्यक्ष होणार?
dharmarao baba atram
तिसऱ्या आघाडीची चर्चा असतानाच शरद पवार- छगन भुजबळ भेटीवर राष्ट्रवादीच्या ‘या’ नेत्याचे महत्वपूर्ण विधान…
Who is Neeru Yadav represented in UN
Neeru Yadav : महिला लोकप्रतिनिधींना कोणत्या समस्या जाणवतात? UN मध्ये प्रतिनिधित्व केलेल्या महिला सरपंचांनी मांडली खंत!
narendra modi in austria
इंदिरा गांधींनंतर ४१ वर्षांत ऑस्ट्रियाला भेट देणारे मोदी पहिले भारतीय पंतप्रधान; ही भेट देशासाठी किती महत्त्वाची?
loksatta editorial on rare russian books vanishing from libraries across europe
Hathras stampede : उत्तर प्रदेशमधील चेंगराचेंगरी प्रकरणी रशियाचे राष्ट्राध्यक्ष पुतिन यांनी व्यक्त केला शोक, म्हणाले…
bjp s attempt to show stable government despite loses majority in lok sabha election
नीट’सह अन्य मुद्द्यांवर चर्चेसाठी विरोधक आक्रमक; संसदेत आजही गोंधळाची शक्यता
आणीबाणी हा देशाच्या इतिहासातील काळा अध्याय; राष्ट्रपती द्रौपदी मुर्मू यांची टिप्पणी

मोदी यांनी शिखर परिषदेत पोहोचल्यावर पोप फ्रान्सिस यांची भेट घेतली. हवामान बदलाचा सामना करण्यासाठी भारताने घेतलेल्या महत्त्वाकांक्षी पुढाकारांची आणि करोना लशींच्या १०० कोटी मात्रा देण्याच्या भारताच्या यशाबाबत मोदींनी पोप यांना माहिती दिली.

हेही वाचा >>> आंध्र प्रदेशच्या उपमुख्यमंत्रीपदी पवन कल्याण

मोदी-झेलेन्स्की भेट

मोदी यांनी युक्रेनचे अध्यक्ष वोलोदिमिर झेलेन्स्की यांची भेट घेतली. युक्रेन युद्धाच्या सद्य:स्थितीवर दोन्ही नेत्यांनी चर्चा केली. संवाद आणि सहमतीतूनच युक्रेन युद्धावर सर्वमान्य तोडगा निघू शकतो, असे मोदी यांनी सांगितले. तोडगा निघण्यासाठी लागेल ती मदत करण्याची भारताची तयारी असल्याचेही मोदी यांनी म्हणाले.

मोदी-सुनक भेट

ब्रिटनचे पंतप्रधान ऋषी सुनक यांच्याशी नरेंद्र मोदी यांनी द्विपक्षी संबंधांवर चर्चा केली. व्यापार, तंत्रज्ञान आणि संरक्षण या क्षेत्रांमध्ये परस्परसंबंध वृद्धिंगत करण्याच्या दिशेने आश्वासक पावले टाकली जात असल्याचे दोन्ही नेत्यांनी म्हटले आहे. विक्रमी तिसऱ्यांदा पंतप्रधान म्हणून निवड झाल्याबद्दल मोदी यांचे सुनक यांनी अभिनंदन केले. तर ब्रिटनमधील आगामी सार्वत्रिक निवडणुकांसाठी मोदी यांनी सुनक यांना शुभेच्छा दिल्या.

मोदी-माक्राँ भेट

संरक्षण, अणुऊर्जा, अंतराळ अशा क्षेत्रांमध्ये भारत-फ्रान्स सहकार्य वाढवण्यासाठी कटिबद्ध असल्याचे पंतप्रधान मोदी आणि फ्रान्सचे अध्यक्ष इमान्युएल माक्राँ यांनी म्हटले आहे. जी ७ परिषदेच्या निमित्ताने या दोन नेत्यांमध्ये द्विपक्षी चर्चा झाली. एका वर्षांत हे दोघे चार वेळा भेटले आहेत. कृत्रिम प्रज्ञेच्या क्षेत्रातील नियमनाबाबत आणि सार्वजनिक क्षेत्रातील डिजिटलीकरणाबाबत भारताने घेतलेल्या पुढाकाराचे माक्राँ यांनी या आवर्जून कौतुक केले.