गोवा विधानसभा निवडणुकीच्या पार्श्वभूमीवर गोव्यातलं राजकीय वातावरण आता चांगलंच तापलं आहे. प्रत्येक पक्ष आपापल्या परिने शक्य ते सर्व प्रयत्न करत प्रचार आणि निवडणुकीची रणनीती आखत आहे. अशातच आता आम आदमी पक्षाने आपल्या मुख्यमंत्रिपदाच्या उमेदवाराची घोषणा केली आहे. गोव्यातला हा लोकप्रिय चेहरा आता ‘आप’ला कितपत यश मिळवून देतो, हे पाहणं रंजक ठरणार आहे.

पालेकर यांच्याबद्दल पणजीमध्ये झालेल्या पत्रकार परिषदेत बोलताना अरविंद केजरीवाल म्हणाले, “अमित पालेकर हे पेशाने वकील आहेत आणि ते भंडारी समाजातून आले असून ते गोव्यातील प्रत्येक समाजातील लोकांना मदत करत आहेत. करोना काळात गोव्यातील नागरिकांसाठी त्यांनी सर्वाधिक मदत केली आहे. करोनाच्या दुसऱ्या लाटेत गोव्यात ऑक्सिजनअभावी अनेकांचा मृत्यू झाला असताना अमित पालेकर यांनीच मुंबई उच्च न्यायालयात याचिका दाखल करून न्यायालयाच्या हस्तक्षेपाची मागणी केली होती.

prakash ambedkar
लोकसभा निवडणुकीत भाजपाचं काय होणार? प्रकाश आंबेडकरांचा मोठा दावा; म्हणाले, “पक्ष फोडून…”
yavatmal pm narendra modi marathi news, yavatmal lok sabha election marathi news, yavatmal bjp marathi news, yavatmal eknath shinde shivsena marathi news,
मोदींच्या सभेने महायुतीचा उत्साह वाढला, यवतमाळ मतदारसंघ भाजप की शिंदे गटाकडे ?
Union Home Minister Amit Shah will visit Akola on March 5 to review five constituencies in Vidarbha
लाेकसभेच्या तोंडावर अमित शाह विदर्भात, अकोल्यात ५ मार्चला पाच मतदारसंघांवर भाजपचे मंथन; शिंदे गटाच्या मतदारसंघांचा…
Himachal Pradesh Speaker disqualifies 6 Congress MLAs
हिमाचलमध्ये राजकीय उलथापालथ चालूच! काँग्रेसचे ‘ते’ सहा आमदार अपात्र, विधानसभा अध्यक्षांची कारवाई; कारण काय?

केजरीवाल पुढे म्हणाले, “गोव्यात भंडारी समाजाच्या लोकांना प्रगतीपासून वंचित ठेवण्यात आले आहे. या समाजातील लोकांनी रक्त आणि घाम गाळून गोव्याच्या प्रगतीसाठी हातभार लावला आहे. गोव्यातील जनता विद्यमान पक्षांना कंटाळली आहे. गोव्यातील जनतेला आता परिवर्तन पाहिजे. त्यांच्याकडे आतापर्यंत पर्याय नव्हता, परंतु,आता आम आदमी पक्ष गोव्यात आला आहे. येथील जनता अमित पालेकर यांना साथ देईल आणि आम आदमी पक्षाला गोव्यातील लोकांची सेवा करण्याची संधी देईल.”

दरम्यान, १४ फेब्रुवारी रोजी गोवा विधानसभेसाठी मतदान होणार आहे. तर १० मार्च रोजी मतमोजणी होणार आहे.