नेताजी सुभाषचंद्र बोस यांचा जन्मदिन पराक्रम दिवस म्हणून साजरा करणार – केंद्र सरकार

केंद्रीय मंत्री जी किशन रेड्डी यांनी दिली माहिती

23rd January as Parakram Diwas to commemorate 125th birth anniversary of Netaji Subhas Chandra Bose
केंद्र सरकारने २३ जानेवारी हा दिवस पराक्रम दिन म्हणून घोषित केला

भारत सरकार नेताजी सुभाषचंद्र बोस यांची १२५ वी जयंती साजरी करत आहे. नेताजी सुभाषचंद्र बोस यांच्या १२५ व्या जयंतीचा उद्घाटन समारंभ २३ जानेवारी २०२१ रोजी व्हिक्टोरिया मेमोरियल हॉल, कोलकाता येथे आयोजित करण्यात आला होता. या समारंभाच्या अध्यक्षस्थानी पंतप्रधान नरेंद्र मोदी होते. दरम्यान, केंद्र सरकारने २३ जानेवारी हा दिवस पराक्रम दिन म्हणून घोषित केला आहे. केंद्रीय मंत्री जी किशन रेड्डी यांनी प्रसारमाध्यमांशी बोलताना ही माहिती दिली

१२५ जयंतीनिमित्त नेताजी सुभाष चंद्र बोस स्मारक नाणे, आणि टपाल तिकीटाचे सुद्धा प्रकाशन करण्यात आले. २३ जानेवारी २०२१ रोजी कोलकाता आणि ५ मार्च २०२१ रोजी जबलपूर येथे आंतरराष्ट्रीय सेमिनारचे आयोजन देखील करण्यात आले होते.

स्मरणोत्सवासाठी उच्चस्तरीय समिती स्थापन

स्मरणोत्सवासाठी माननीय पंतप्रधानांच्या अध्यक्षतेखाली उच्चस्तरीय समिती स्थापन करण्यात आली आहे. या समितीमध्ये प्रसिद्ध व्यक्ती, इतिहासकार, लेखक, तज्ज्ञ, नेताजी सुभाषचंद्र बोस यांचे कुटुंबातील सदस्य तसेच आझाद हिंद फौज (INA) शी संबंधित मान्यवरांचा समावेश आहे. १९ जानेवारी २०२१ रोजी राजपत्र अधिसूचना जारी करण्यात आली होती आणि २३ जानेवारीला दरवर्षी पराक्रम दिवस म्हणून घोषित करण्यात आले.

 विविध प्रस्तावांना मान्यता

भारत सरकारने नेताजी सुभाषचंद्र बोस यांच्याशी संबंधित विविध प्रस्तावांना मान्यता दिली आहे. यामध्ये लाल किल्ल्यावर आणि कोलकाताजवळील नीलगंज येथे आयएनए शहीदांचे स्मारक उभारणे, नेताजी आणि आयएनएवरील लघुपट, आयएनए ट्रायल्सवरील माहितीपट, कर्नलचे चरित्र प्रकाशन, नेताजींवर चित्रात्मक पुस्तके, आयएनएचा चित्रांचे किड-फ्रेंडली कॉमिक्सच्या स्वरूपात प्रकाशनाचा समावेश आहे.

भारत सरकार सर्व महत्वपुर्ण ठीकाणी नेताजी सुभाष चंद्र बोस संबंधित महत्त्वाच्या तारखा साजऱ्या करत आहे. यामध्ये १४ एप्रिल मोइरंग डे-भारतीय भूमीवर ब्रिटिश सैन्याचा पराभव, २१ ऑक्टोबर आयएनए स्थापना दिवस, ३० डिसेंबर नेताजी अंदमानला गेले आणि ध्वज फडकवण्यात आला, या दिवसांचा समावेश आहे.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Government declared 23rd january as parakram diwas 125th birth anniversary of netaji subhas chandra bose srk