नद्यांचे जलमार्गात रूपांतर करण्याचा सरकारचा प्रयत्न

देशभरातील १०१ नद्यांचे जलमार्गात रूपांतर करण्याचे विधेयक सरकार संसदेच्या या अधिवेशनात आणण्याची शक्यता असल्याची माहिती केंद्रीय रस्ते व जलवाहतूक मंत्री नितीन गडकरी यांनी दिली.

देशभरातील १०१ नद्यांचे जलमार्गात रूपांतर करण्याचे विधेयक सरकार संसदेच्या या अधिवेशनात आणण्याची शक्यता असल्याची माहिती केंद्रीय रस्ते व जलवाहतूक मंत्री नितीन गडकरी यांनी दिली.
जलवाहतूक आर्थिक विकासाच्या दृष्टीने महत्त्वाची आहे. त्यामुळेच सरकारने हा महत्त्वाकांक्षी कार्यक्रम हाती घेतल्याचे त्यांनी स्पष्ट केले. याबाबत मंत्रिमंडळाने टिप्पणी तयार केली असून, या अधिवेशनात हे विधेयक सादर करण्याचा प्रयत्न असेल असे गडकरी यांनी स्पष्ट केले. या नद्यांचे जलमार्गात रूपांतर केल्यास वाहतूक दृष्टीने अधिक स्वस्त ठरेल असा दावा गडकरींनी केला. रेल्वे वाहतुकीसाठी प्रति किमी १ रुपया, रस्ते वाहतुकीस दीड रुपया इतका खर्च येतो. मात्र जलवाहतुकीस प्रति किमी ३० पैसे इतका खर्च येत असल्याने ही योजना फायदेशीर ठरेल असा दावा त्यांनी केला. मात्र या कडे विशेष लक्ष दिले नसल्याची खंत गडकरींनी व्यक्त केली.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

Web Title: Government plans to convert rivers into waterways say nitin gadkari

ताज्या बातम्या