आम आदमी पक्षाला परदेशातून पैसा?

अरविंद केजरीवाल यांच्या आम आदमी पक्षास मिळणाऱया देणग्यांची केंद्र सरकारकडून चौकशी केली जाणार असल्याचे केंद्रीय गृहमंत्री सुशीलकुमार शिंदे यांनी सांगितले आहे.

अरविंद केजरीवाल यांच्या आम आदमी पक्षाला परदेशातून पैसा मिळत असल्याच्या अनेक तक्रारी आल्या असून  त्यांची चौकशी करण्यात येईल असे केंद्रीय गृहमंत्री सुशीलकुमार शिंदे यांनी आज सांगितले.
आम आदमी पक्षाला परदेशातून पैसा मिळत असल्याबाबत विचारले असता ते म्हणाले की, अशा तक्रारी माझ्याकडे आल्या आहेत. आम्ही त्याची चौकशी सुरू केली आहे, कोणत्या देशातून त्यांना पैसा मिळतो, त्याचा नेमका स्रोत काय याची शहानिशा केली जाईल.
आम आदमी पक्षाला १९ कोटींची देणगी!
आम आदमी पक्षाला पैसा कुठून मिळतो याची चौकशी करण्यासाठी वेळ लागेल, दिल्ली विधानसभा निवडणुकांच्या आधी म्हणजे ४ डिसेंबरच्या अगोदर त्याबाबत काही निष्कर्षांप्रत येता येणार नाही, असे ते म्हणाले. आम आदमी पक्षाचे नेते अरविंद केजरीवाल हे दिल्लीतील विधानसभा निवडणूक जोशात लढवित आहेत व भ्रष्टाचार विरोध हा एकमेव मुद्दा घेऊन ते उतरले आहेत. आम आदमी पक्षाला परदेशातून पैसा कुठून मिळतो याबाबत चौकशीचे आदेश दिल्याचे त्यांनी सांगितले.
दिल्लीच्या मुख्यमंत्री शीला दीक्षित यांनी भ्रष्टाचारविरोध हा मुद्दा घेऊन निवडणूक लढणाऱ्या आम आदमी पक्षाला  पैसा कोठून मिळतो असा सवाल उपस्थित केला होता. आम आदमी पक्षाने श्रीमती दीक्षित यांच्या सरकारवर भ्रष्टाचाराच्या मुद्दय़ावर टीकेची झोड उठवली होती.
आम आदमी पक्षाने असे म्हटले आहे की, आम्हाला ८ नोव्हेंबपर्यंत अनिवासी भारतीयांसह ६३,००० व्यक्तींकडून १९ कोटी रुपयांचा निधी देणगीच्या रूपात मिळाला आहे. रिक्षावाले, व्यापारी व उद्योगपती यांनी आपल्याला १० रुपयांपासून लाखो रुपयांपर्यंत निधी दिला आहे, भ्रष्टाचार मुक्त प्रशासन आणण्यासाठी या लोकांनी आम्हाला निधी दिला आहे.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Govt to probe aaps foreign funding kejriwal says ready for it

Next Story
विजयी भव !