अमेरिकेत परतताना ग्रीन कार्ड धारकांची धाकधूक; ‘या’ नियमांची घ्या काळजी

“जरी कायदेशीर कायमस्वरूपी रहिवाशी (LPR) असलेल्यांना बहुतेक परिस्थितींमध्ये देशात परतण्याचा कायदेशीर अधिकार असला, तरी इमिग्रेशन कायद्यांतर्गत या अधिकारांवर काही विशीष्ट अटी आणि निर्बंध घातलेले आहेत. दीर्घकाळ गैरहजर असल्यास, फौजदारी गुन्हे, फसवणूकीची कृत्य किंवा निवासस्थान सोडून निघून जाणे या सर्व कारणांमुळे छाननी, दिरंगाई होणे किंवा देशाबाहेर काढून टाकण्याची कारवाई होऊ शकते,” असे रेड्डी न्यूमन ब्राउन पीसीचे असोसिएट ॲटर्नी करीम जिवानी यांनी सांगितले.

प्रवेश नाकारला जाणे किंवा अमेरिकेचे निवासस्थान सोडून दिल्याचा आरोप टाळण्यासाठी, परदेशात प्रवास करणाऱ्या ग्रीन कार्ड धारकांना अमेरिकेच्या रीएंट्री नियमांबद्दल माहिती असणे आवश्यक आहे. जर कायदेशीर कायमस्वरूपी रहिवासी (LPR) हे फॉर्म I-131 चा वापर करून रीएंट्रीची परवानगी मिळवत नसतील आणि एक ते वर्ष किंवा त्याहून अधिक काळ अमेरिकेबाहेर राहत असतील, तर अशा नागरिकांचे स्टेटस धोक्यात येण्याची शक्यता आहे.

अगदी काही काळासाठी देखील तुम्ही देशाच्या बाहेर राहिलात तर तुमची छाननी होऊ शकते. ग्रीन कार्डचे स्टेटस टिकवून ठेवण्यासाठी कार्डधारकांना अमेरिकेशी असलेले संबंध संबंध मजबूत ठेवावे लागतील आणि देशाच्या बाहेर दीर्घकाळ राहणे टाळाले पाहिजे. तसेच ज्या लोकांना नॅचरलायजेशनच्या (Naturalization) माध्यमातून अमेरिकेचे नागरिकत्व मिळवायचे आहे, त्यांनी कंटीन्यूअस रेसिडेन्स (Continuous Residence) या नियमाचे काटेकोरपणे पालन करणे आवश्यक आहे.

कथितपणे अनेक ग्रीन कार्ड धारकांना तपासणीचा सामना करावा लागत आहे. तर काहींना अमेरिकेतील निवासस्थान सोडून दिल्याचा (Abandoning US residence) किंवा एक वर्षापेक्षा जास्त काळ परदेशात राहिल्याचे कारण सांगत प्रवेश नाकारला जात आहे.

ग्रीन कार्ड स्टेटसमुळे स्थलांतरितांना अमेरिकेत राहण्याची, काम करण्याची आणि पूर्णपणे कायदेशीररित्या वास्तव्य करण्याची परवानगी मिळते. मात्र, हे कायदेशीर स्टेटस टिकवून ठेवण्यासाठी काही विशिष्ट नियम आणि कायद्यांचे पालन करणे बंधनकारक आहे.

ग्रीन कार्ड आणि रीएंट्री नियम

ग्रीन कार्ड नियमांमध्ये कायदेशीर कायमस्वरूपी नागरिकत्व असलेल्या नागरिकांना अमेरिकेच्या बाहेर प्रवास करण्याची आणि परत येण्याची मुभा असते, मात्र त्यावर काही निर्बंध असतात.

जर ग्रीन कार्ड धारक एक वर्ष किंवा त्याहून अधिक काळ अमेरिकेबाहेर राहिले, तर अमेरिकेत पुन्हा प्रवेश करण्यासाठी त्यांची ‘परमनंट रेसिडेंट कार्ड तांत्रिकदृष्ट्या अवैध ठरते.

तसेच, जर ग्रीन कार्ड धारकाने दुसर्‍या देशात वास्तव्य केले, तर एक वर्षापेक्षा कमी कालावधीसाठी अमेरिकेबाहेर राहिल्यासही त्यांचे अमेरिकन कायमस्वरूपी निवासस्थान सोडून दिले असे मानले जाऊ शकते. त्यामुळे इमिग्रेशनशी संबंधित कोणत्याही अडचणी टाळण्यासाठी ग्रीन कार्ड धारकांनी अमेरिकेबाहेर प्रवास करण्यापूर्वी रीएंट्री परमिट घेणे आवश्यक आहे.