गुजरातमधील पंचायत निवडणुकीत ऑनलाइन मतदान सेवेचा प्रस्ताव

गुजरातमधील पंचायत निवडणुकांमध्ये ई-मतदान यंत्रणा राबवण्याचा विचार गुजरात सरकार करीत आहे.

loksatta, marathi news paper, news paper, news online, marathi news, marathi news online, newspaper, news, latest news in marathi, current news in marathi,sport news in marathi, bollywood news in marathi
संग्रहित छायाचित्र

गुजरातमधील पंचायत निवडणुकांमध्ये ई-मतदान यंत्रणा राबवण्याचा विचार गुजरात सरकार करीत आहे. खरे तर पालिका निवडणुकांमध्ये हा प्रयोग करण्यात आला होता व त्याला फार कमी प्रतिसाद मिळाला असतानाही आता त्याची व्याप्ती वाढवली जात आहे.
सध्या राज्यातील आठ महापालिकांत ई-मतदानाची सुविधा आहे. जिल्हा, तालुका व ग्रामपंचायतीत ही सुविधा देण्यात आलेली नाही. असे असले तरी पंचायतीमध्ये ई-मतदान सुविधा देण्याच्या आधी सरकारने परदेशात किंवा भारतात इतर राज्यांत अशी सुविधा आहे किंवा नाही याची चाचपणी सुरू केली आहे.
पंचायत व ग्रामीण विकासमंत्री जयंती चावडा यांनी सांगितले की, ग्रामीण भागात इंटरनेट जोडणी किती प्रमाणात आहे याचीही माहिती घेतली जात आहे, कारण गुजरातमध्ये पंचायत पातळीवर ई-मतदान सुविधा राबवण्यासाठी हा पूर्वाभ्यास आवश्यक आहे. नुकत्याच झालेल्या स्थानिक स्वराज्य संस्था निवडणुकीत गुजरात राज्य निवडणूक आयोगाने सहा महापालिकांत ई-मतदानाची सुविधा लागू केली होती, पण त्याला फार कमी प्रतिसाद मिळाला होता. देशात गुजरात राज्य निवडणूक आयोगाने प्रथम ऑनलाइन मतदानाचा प्रयोग केला होता. २०१० मध्ये ही सुविधा पहिल्यांदा उपलब्ध करण्यात आली. अलीकडे झालेली निवडणूक ऑनलाइन सेवा असलेली दुसरी निवडणूक होती. राज्य निवडणूक आयोगाचे सचिव एम. व्ही. जोशी यांनी सांगितले की, पंचायत खात्याने हिरवा कंदील दिला, तर त्या निवडणुकीतही ई-मतदानाची सुविधा दिली जाईल. त्यासाठी तशी अधिसूचना काढणे आवश्यक आहे.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Gujarat government planning to launch e voting in panchayat polls

ताज्या बातम्या