शीखांवर हल्ला प्रकरणी ऑस्ट्रेलियातील तुरुंगात शिक्षा भोगल्यानंतर भारतीयाला केलं डिपोर्ट; मंत्री इशारा देत म्हणाला…

ऑस्ट्रेलियाच्या इमिग्रेशन आणि नागरिकत्व मंत्र्याने ट्विट करून ही माहिती दिली आहे.

vishal jud
२५ वर्षीय विशाल जुडला शीखांवर हल्ला केल्याप्रकरणी शिक्षा सुनावण्यात आली होती. photo @CitizenAnkit

ऑस्ट्रेलियन मंत्र्याने शिखांवर हल्ला केल्याप्रकरणी तुरुंगात असलेल्या विशाल जूडला भारतात पाठवले आहे. यावेळी त्याला कठोर शब्दात फटकारण्यात आले. २५ वर्षीय विशाल जुडला शीखांवर हल्ला केल्याप्रकरणी शिक्षा सुनावण्यात आली होती. ऑस्ट्रेलियातील तुरुंगात शिक्षा भोगल्यानंतर त्याला भारतात पाठवण्यात आले आहे. शिखांवर हल्ला केल्याच्या आरोपावरून जुडेला अनेक वेळा तुरुंगात पाठवण्यात आले आहे. ऑस्ट्रेलियाच्या इमिग्रेशन आणि नागरिकत्व मंत्र्याने ट्विट करून ही माहिती दिली आहे.

ऑस्ट्रेलियात शीखांवर हल्ल्याच्या या घटनांमुळे वातावरण खूप तापले होते. काहींचे म्हणणे आहे की जुडने फक्त खलिस्तान समर्थक शीखांवर हल्ला केला होता. जूनमध्ये हरियाणाचे मुख्यमंत्री मनोहर लाल खट्टर यांनी देखील ऑस्ट्रेलियन एजन्सींकडून जुडची सुटका करण्याची मागणी केली होती. जुडच्या समर्थकांनी त्याच्या सुटकेसाठी रस्त्यावर निदर्शने केली होती. त्याने आरोप केला होती की, खलिस्तान समर्थकांनी खोटे आरोप करून जुडला फसवले आहे.

जुडला भारतात पाठवल्यानंतर ऑस्ट्रेलियन मंत्री एलेन हॉक यांनी जोरदार शब्दात टीका इशारा दिला आहे. हॉकने म्हणाले, ऑस्ट्रेलियातील सामाजिक सलोख्याचे वातावरण बिघडवण्याचा कोणताही प्रयत्न खपवून घेतला जाणार नाही. तसेच जातीयवाद आणि शत्रुत्वाच्या विरोधात उभ्या राहिलेल्या समाजातील नेत्यांप्रती मी कृतज्ञता व्यक्त करतो.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Haryana man jailed in australia for attacking sikhs deported srk

Next Story
शांत व आरोग्यदायी झोपेसाठी सेंद्रिय बिछाना
ताज्या बातम्या