helicopters replaced Question Army Officers Association to Prime Minister ysh 95 | Loksatta

जुनाट हेलिकॉप्टरचा ताफा कधी बदलणार?; ‘लष्करी अधिकारी पत्नी संघटने’चा पंतप्रधानांना प्रश्न

कधीकाळी सैन्य दलाचे पंख म्हणून ओळखले जाणारे चित्ता आणि चेतक हेलिकॉप्टर उडत्या शवपेटय़ांमध्ये रुपांतरीत झाले आहेत.

जुनाट हेलिकॉप्टरचा ताफा कधी बदलणार?; ‘लष्करी अधिकारी पत्नी संघटने’चा पंतप्रधानांना प्रश्न
(सांकेतिक छायाचित्र)

नाशिक : कधीकाळी सैन्य दलाचे पंख म्हणून ओळखले जाणारे चित्ता आणि चेतक हेलिकॉप्टर उडत्या शवपेटय़ांमध्ये रुपांतरीत झाले आहेत. मागील सहा वर्षांत त्यांच्या अपघातात ३१ अधिकारी शहीद झाले. या जुनाट हेलिकॉप्टरचा ताफा कधी बदलला जाईल, आमच्या मूलभूत अधिकारांचे रक्षण कोण करणार, असे प्रश्न लष्करी अधिकारी पत्नींच्या संघटनेने पंतप्रधानांना पाठविलेल्या पत्रात उपस्थित केले आहेत.

अरुणाचल प्रदेशातील तवांग येथे लष्कराचे चित्ता हेलिकॉप्टर अपघातग्रस्त होऊन लेफ्टनंट कर्नल सौरभ यादव हे शहीद झाले, तर सहवैमानिक गंभीररित्या जखमी झाले. या पार्श्वभूमीवर लष्करी अधिकाऱ्यांच्या पत्नींनी पंतप्रधानांना पत्र पाठवत विविध मुद्यांकडे लक्ष वेधले. या हेलिकॉप्टरचे उत्पादन फ्रान्सने १९८० मध्ये बंद केले. पाच दशके जुनी असणारी २०० हेलिकॉप्टर सैन्य दलाच्या ताफ्यात आहेत. अपघात वाढत असूनही ती सियाचीनसारख्या भागात आणि आपत्ती व्यवस्थापन कार्यात वापरली जातात. त्यामुळे अधिकाऱ्यांचे कुटुंबीय तणावाखाली जगत आहेत. देशाचे रक्षण करणाऱ्या नायकांच्या सुरक्षेसाठी सेवारत अधिकाऱ्यांच्या पत्नींनी २०१४ मध्ये याचिका दाखल केली होती. त्यात अ‍ॅड. मिनल वाघ-भोसले यांच्यासह वेगवेगळय़ा लष्करी विभागातील १४० अधिकाऱ्यांच्या पत्नींचा समावेश होता. तत्कालीन संरक्षण मंत्र्यांनी जुनाट हेलिकॉप्टर बदलण्याचे आश्वासन दिले होते. तथापि दुर्देवाने पुढे काहीच झाले नसून परिस्थिती तशीच असल्याचे पत्राद्वारे निदर्शनास आणून देण्यात आले आहे.

‘मूलभूत अधिकारांचे रक्षण कोण करणार?’

कालबाह्य हेलिकॉप्टरने अधिकाऱ्यांना प्राण गमवावे लागत आहे. सुरक्षित उड्डाणासाठी तातडीने व्यवस्था होण्याची निकड आहे. अशा जुनाट हेलिकॉप्टर ताफ्याद्वारे सैनिकांचे रक्षण कसे करता येईल. आमच्या मूलभूत अधिकारांचे रक्षण कोण करणार, असे प्रश्न उपस्थित करीत लष्करी अधिकारी पत्नी गटाने स्वातंत्र्याच्या अमृत महोत्सवी वर्षांत आयुर्मान संपुष्टात आलेली हेलिकॉप्टर तातडीने बदलण्याची मागणी पंतप्रधानांकडे केली आहे.

मराठीतील सर्व देश-विदेश ( Desh-videsh ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
कर्नाटकात पदवी स्तरावर सायबर सुरक्षा शिक्षण अनिवार्य; पुढील शैक्षणिक वर्षांपासून अंमलबजावणी

संबंधित बातम्या

‘I Have Got News’, श्रद्धाचं शेवटचं चॅट आलं समोर, मृत्यूच्या काही तास आधीच मित्राला पाठवला होता मेसेज
डेटिंग अॅपवरील बॉयफ्रेंडला भेटायला 5 हजार किमीचा प्रवास; अवयवांच्या विक्रीसाठी त्यानं केली तिची हत्या
26/11 Mumbai Terror Attack: आता अमली दहशतवाद्यांनी शोधून काढला तस्करीचा नवा सागरीमार्ग, इराण ते मुंबई व्हाया…!
“गुवाहाटीला कोणाचा बळी द्यायला चालले?” म्हणणाऱ्या अजित पवारांना मुख्यमंत्र्यांचं प्रत्युत्तर; म्हणाले, “कामाख्या देवी कडक…”
क्रूरतेची हद्द! जंगलात नेऊन सेक्स करायला सांगितलं, नंतर अंगावर फेव्हिक्विक ओतलं अन्…; घटनाक्रम ऐकून पोलीसही चक्रावले

व्हिडिओ

ताज्या बातम्या
डार्क सर्कल्स येण्यामागची कारणं काय? जाणून घ्या यावरील घरगुती उपाय
विश्लेषण: एलॉन मस्कच्या ट्विटरला नाकारत ब्राझीलच्या नागरिकांचं भारतीय Koo App ला प्राधान्य; दोघांमध्ये नेमका फरक काय?
“मी कायम तुझ्यासमोर नतमस्तक होतो”… नाना पाटेकर यांची विक्रम गोखलेंबद्दल भावूक पोस्ट
“महाराष्ट्राचे देव संपले का?” शिंदे गटाच्या गुवाहाटी दौऱ्यावरून संजय राऊतांचे टीकास्र; म्हणाले, “मुख्यमंत्री ४० रेड्यांचे बळी…”
अपघातप्रवण श्रेत्रात उपाययोजनांसाठी धावपळ; लुकलुकणारे दिवे, वाहनांचा वेग दर्शविणारे कॅमेरे बसविणार