हिंदू महासभा उभारणार नथुराम गोडसेचा पुतळा; अंबाला तुरुंगातून आणली माती

हरियाणाच्या अंबाला सेंट्रल जेलमधून आणलेल्या मातीने नथुराम गोडसेचा पुतळा बनवणार असल्याचे हिंदू महासभेने म्हटले आहे.

nathuram-godse
(संग्रहित छायाचित्र इंडियन एक्सप्रेस)

हरियाणाच्या अंबाला सेंट्रल जेलमधून आणलेल्या मातीने नथुराम गोडसेचा पुतळा बनवणार असल्याचे हिंदू महासभेने म्हटले आहे.  या सेंट्रल जेलमध्ये महात्मा गांधींच्या मारेकरी गोडसेला १९४९ मध्ये फाशी देण्यात आली होती. सोमवारी गोडसेच्या पुण्यतिथीनिमित्त हिंदू महासभेने पुतळा बनवण्याची घोषणा केली आहे.

“ज्या अंबाला तुरुंगात नथुराम गोडसे आणि नारायण आपटे यांना फाशी देण्यात आली होती, त्या तुरुंगातून हिंदु महासभेच्या कार्यकर्त्यांनी गेल्या आठवड्यात माती आणली आहे. या मातीचा वापर गोडसे आणि आपटे यांचे पुतळे बनवण्यासाठी केला जाईल आणि ते ग्वाल्हेर येथील हिंदू महासभेच्या कार्यालयात बसवले जातील,” असे संघटने राष्ट्रीय उपाध्यक्ष डॉ. जयवीर भारद्वाज यांनी सांगितले.

“महासभेच्या कार्यकर्त्यांनी सोमवारी उत्तर प्रदेशमधील मेरठ येथील ‘बलिदान धाम’ येथे गोडसे आणि आपटे यांचे पुतळे बसवले. आम्ही प्रत्येक राज्यात असे बलिदान धाम बांधू,” असे भारद्वाज यांनी सांगितले. दरम्यान, भारद्वाज यांनी देशाच्या फाळणीला काँग्रेस जबाबदार असल्याचा आरोपही केला आणि त्यामुळेच मोठ्या प्रमाणावर लोकांची हत्या झाली, असंही म्हटलं.

दरम्यान, ग्वाल्हेरचे अतिरिक्त पोलीस अधीक्षक सत्येंद्र सिंह तोमर यांनी सांगितले की, “सोमवारी हिंदू महासभेचा कोणताही सार्वजनिक कार्यक्रम झालेला नाही. तसेच आतापर्यंत एकही पुतळा बसवण्यात आलेला नाही आणि पोलीस संघटनेच्या हालचालींवर लक्ष ठेवून आहेत,” असे ते म्हणाले.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Hindu mahasabha to make nathuram godse statue with ambala jail soil hrc

Next Story
खोबऱ्याच्या तेलाचा वापर टूथपेस्टमध्ये करणे शक्य
ताज्या बातम्या