यासिन भटकळला हैदराबादमध्ये न्यायालयीन कोठडी

हैदराबादमधील बॉम्बस्फोटातील आरोपी आणि इंडियन मुजाहिदीनचा म्होरक्या यासिन भटकळ याला हैदराबादमधील न्यायालयाने सोमवारी १७ ऑक्टोबरपर्यंत न्यायालयीन कोठडी सुनावली.

हैदराबादमधील बॉम्बस्फोटातील आरोपी आणि इंडियन मुजाहिदीनचा म्होरक्या यासिन भटकळ याला हैदराबादमधील न्यायालयाने सोमवारी १७ ऑक्टोबरपर्यंत न्यायालयीन कोठडी सुनावली. याचवर्षी २१ फेब्रुवारीला हैदराबाद शहरातील दिलसुखनगर भागात दोन शक्तीशाली बॉम्बस्फोट झाले होते. भटकळ आणि त्याच्या साथीदारांनी मिळून हे स्फोट घडवून आणले होते. गेल्याच महिन्यात भटकळ आणि त्याचा साथीदार असदुल्ला अख्तर यांना बिहारमधील नेपाळच्या सीमेवरून अटक करण्यात आली.
एनआयएच्या अधिकाऱय़ांनी हैदराबादमधील प्रथमवर्ग न्यायदंडाधिकाऱयांच्या न्यायालयात भटकळला कडेकोट सुरक्षाव्यवस्थेत सोमवारी हजर केले. न्यायालयाने त्याला त्याचे नाव आणि गाव याबद्दल विचारले. त्यावर नाव यासिन भटकळ आणि गाव भटकळ असे उत्तर यासिनने न्यायालयात दिले.
२१ सप्टेंबर रोजी दिल्लीतील न्यायालयाने भटकळला हैदराबादमध्ये नेण्यासाठी दोन दिवसांचा ट्रान्झिट रिमांड मंजूर केला होता.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Hyderabad blasts im co founder bhatkal sent to judicial custody remand till oct

ताज्या बातम्या