इस्लामाबाद : पाकिस्तानचे पंतप्रधान इम्रान खान यांना करोनाची लागण झाली असून शनिवारपासून ते निवासस्थानी स्वयंविलगीकरणात गेले आहेत, असे त्यांचे आरोग्यविषयक प्रमुख सल्लागार डॉ. फैझल सुलतान यांनी सांगितले. इम्रान खान यांनी दोनच दिवसांपूर्वी लशीची पहिली मात्रा घेतली होती. इम्रान यांना करोनाची लागण झाली असल्याचे डॉ. सुलतान यांनी ट्वीट केले. पंतप्रधानांना खोकल्याचा त्रास होत असून अंगात सौम्य ताप आहे, असे डॉ. शाहबाज गिल म्हणाले.
