पद्म पुरस्कार वितरण सोहळ्यादरम्यान घडलेल्या एका प्रसंग पाहून सर्वच लोक आश्चर्यचकित झाले होते. यावेळी १२६ वर्षीय स्वामी शिवानंद यांनी श्रद्धेने सर्वांसमोर झुकत राष्ट्रपती आणि पंतप्रधानांसमोर डोके टेकवले टेकवले होते. त्यानंतर आज पंतप्रधान मोदींनी त्यांच्या 'मन की बात' कार्यक्रमात पद्म पुरस्कार विजेते स्वामी शिवानंद यांचा उल्लेख केला. मन की बातचा ८७ वा भाग रविवारी प्रसारित झाला. स्वामी शिवानंद यांचे जीवन आपल्या सर्वांसाठी प्रेरणास्थान आहे. त्यांना योगाची आवड आहे, त्यामुळे वयाच्या १२६ व्या वर्षीही ते निरोगी आयुष्य जगत आहेत, असे पंतप्रधान मोदी म्हणाले. पद्म पुरस्कार सोहळ्यात त्यांचे ज्या पद्धतीने स्वागत करण्यात आले त्यावर पंतप्रधान मोदी म्हणाले की, ते किती नम्र आहेत हे सर्वांनी पाहिले आहे. त्यांना १२६व्या वर्षात पाहून सर्वांनाच आश्चर्य वाटले. मलाही आश्चर्य वाटले. स्वामी शिवानंद यांनी नंदीच्या मुद्रेत नतमस्तक होऊन नमस्कार करायला सुरुवात केली. मी त्यांच्यासमोर अनेकवेळा नतमस्तक होऊन स्वामींना नमस्कार केला, असे पंतप्रधान म्हणाले. https://twitter.com/mannkibaat/status/1507955364829884424?s=20&t=mfG4w4YPmTeJiwPAEvzXqg स्वामी शिवानंद यांच्या फिटनेसची आज संपूर्ण देशात चर्चा होत असल्याचे पंतप्रधान म्हणाले. "बाबा शिवानंद त्यांच्या वयाच्या एक चतुर्थांश लोकांपेक्षा अधिक तंदुरुस्त कसे आहेत याबद्दल मला सोशल मीडियावर अनेक कमेंट्स आढळून आल्या. त्यांचे जीवन आपल्या सर्वांसाठी प्रेरणास्थान आहे, मी त्यांच्या दीर्घायुष्यासाठी प्रार्थना करतो. त्यांना योगाची आवड आहे आणि खूप निरोगी आयुष्य जगतात,” असे पंतप्रधान मोदी म्हणाले. स्वामी शिवानंद यांचा एक व्हिडीओ समोर आला होता ज्यात पद्म पुरस्कार मिळवण्यापूर्वी ते आधी पंतप्रधान मोदींसमोर नतमस्तक झाले आणि नंतर राष्ट्रपतींसमोर नतमस्तक होऊन त्यांना अभिवादन करत होते. पंतप्रधान मोदीही त्यांच्यासमोर नतमस्तक झाले आणि राष्ट्रपती त्यांना उठवले. शिवानंद हे वाराणसीचे आहेत. त्यांचा जन्म १८६९ मध्ये झाला आणि आज ते १२६ वर्षांचे आहेत. आजही तो तासनतास योगा करतात. ते पहाटे ३ वाजता उठतात आणि आजही तो जमिनीवर चटईवर झोपतात. डोक्याखाली लाकडी उशीही ठेवतात. अशा प्रकारे स्वामी शिवानंद हे अतिशय साधे जीवन जगतो. साधे अन्न खा आणि मसाले टाळा असा सल्ला ते देतात.
