देशभरात ३३९० नवे करोना रुग्ण, रुग्णसंख्या ५६ हजारांच्याही पुढे

केंद्रीय आरोग्य मंत्रालयाने ही माहिती दिली आहे

प्रतिकात्मक छायाचित्र

देशभरात करोनाचे ३३९० रुग्ण पॉझिटिव्ह आढळले आहेत. २४ तासांमध्ये समोर आलेली ही संख्या आहे. त्यामुळे देशाची रुग्णसंख्या ही ५६ हजार ३४२ इतकी झाली आहे. तर मागील चोवीस तासात १३७३ रुग्ण बरे झाले आहेत. आत्तापर्यंत १६ हजार ५४० रुग्णांना डिस्चार्ज देण्यात आला आहे अशी माहिती केंद्रीय आरोग्य मंत्रालयाचे सह सचिव लव अग्रवाल यांनी दिली आहे.

मागील २४ तासांमध्ये करोनाची बाधा होऊन १०३ जणांचा देशभरात मृत्यू झाला. तर आत्तापर्यंत देशात करोनाची बाधा होऊन १८८६ रुग्णांचा मृत्यू झाला आहे. देशात सापडणाऱ्या करोना रुग्णांपैकी प्रत्येक ३ रुग्णांमधला एक रुग्ण बरा होतो आहे असंही आरोग्य मंत्रालयाने स्पष्ट केलं. देशभरात असे २९ जिल्हे जिथे मागील २१ दिवसात एकही करोना रुग्ण आढळलेला नाही. तर ४२ जिल्हे असे आहेत जिथे २८ दिवसात करोनाचा एकही रुग्ण आढळलेला नाही असंही अग्रवाल यांनी स्पष्ट केलं. तर ४६ जिल्हे असे आहेत ज्यामध्ये मागील सात दिवसांपासून करोनाचा एकही रुग्ण आढळलेला नाही असंही अग्रवाल यांनी सांगितलं.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: In the last 24 hours there were 3390 new covid19 positive cases and 1273 recoveries total cases are 56342 says health ministry scj

Next Story
शांत व आरोग्यदायी झोपेसाठी सेंद्रिय बिछाना
ताज्या बातम्या