Independence Day 2026 Highlights: ‘आयर्लंडचा स्वातंत्र्यदिन आहे का?’, पंतप्रधान मोदींच्या खिशात उलटा तिरंगा; काँग्रेसकडून टीका

स्वातंत्र्यदिनानिमित्त लाल किल्ल्यावरून पंतप्रधान मोदी यांनी सलग १३ वे भाषण केले. यावेळच्या त्यांच्या भाषणावरून काँग्रेस टीका करत आहे. पंतप्रधान मोदींच्या कोटातील खिशात तिरंगी रंगाचा रुमाल ठेवण्यात आला होता. या रुमालाच्या रंगाची रचना राष्ट्रध्वजाच्या उलट होती. यामुळे हा आयर्लंडचा राष्ट्रध्वज दिसत आहे, अशी टीका काँग्रेसचे नेते पवन खेरा यांनी केली.

https://twitter.com/Pawankhera/status/2088479920116613362

पंतप्रधान मोदी भाषण वाचून दाखवत असताना काही वेळा अडखळले. यावरून टीका करताना अरविंद केजरीवाल यांनी पंतप्रधानांना आत्मविश्वास नसलेले, निराश आणि डळमळीत पंतप्रधान असल्याचे म्हटले.

PM Modi Dimagi Naxal Statement: पंतप्रधान नरेंद्र मोदी स्वातंत्रदिनाच्या निमित्त लाल किल्ल्यावरून दिलेल्या भाषणात 'दिमागी नक्षल' अशी टिप्पणी केली होती. यावर आता काँग्रेसने पलटवार केला आहे. ...सविस्तर बातमी

लाल किल्ल्यावरील स्वातंत्र्य दिनाच्या समारंभाला लोकसभेचे विरोधी पक्षनेते राहुल गांधी अनुपस्थित राहिल्यानंतर भाजपाने त्यांच्यावर टीका केली. राहुल गांधी यांची मानसिकता दिमागी नक्षलवादी गटाची असल्याचे भाजपाने म्हटले. भाजपाचे प्रवक्ते प्रदीप भंडारी यांनी म्हटले की, कोणताही देशभक्त विरोधी पक्षनेता आणि सार्वजनिक पद धारण करणारी व्यक्ती असे कृत्य करू शकत नाही. राहुल गांधी विरोधी पक्षनेते होण्यास अयोग्य आहेत.

Freedom Fighter YC Revanna: स्वराज्य हा भारतीय चळवळीचा केवळ एक भाग होता. जोपर्यंत आपल्याला रामराज्य मिळत नाही, तोपर्यंत तरुणांनी संघटित होऊन आंदोलन करत राहिले पाहिजे, असे मत ज्येष्ठ स्वातंत्र्यसैनिकाने व्यक्त केले. ...अधिक वाचा

पंतप्रधान मोदी यांनी शनिवारी ८० व्या स्वातंत्र्यदिनानिमित्त मागच्या चार वर्षांतील सर्वात छोटे भाषण केले. २०२५ साली त्यांनी १०३ मिनिटांचे सर्वात मोठे भाषण केले होते.

पंतप्रधान मोदींच्या लाल किल्ल्यावरील भाषणांचा आजवरचा कालावधी

२०२५ : १०३ मिनिटे

२०२४ : ९६ मिनिटे

२०२३ : ९० मिनिटे

२०२२ : ७४ मिनिटे

२०२१ : ८८ मिनिटे

२०२० : ९० मिनिटे

२०१९ : ९२ मिनिटे

२०१८ : ८३ मिनिटे

२०१७ : ५६ मिनिटे

२०१६ : ९६ मिनिटे

२०१५ : ८८ मिनिटे

२०१४ : ६५ मिनिटे

पंतप्रधान मोदी यांनी लाल किल्ल्यावरून देशातील सर्व विरोधी पक्षांना आवाहन केले की, महिलांना सन्मान देण्यासाठी पुढे या. महिलांना विधानसभेत आणि लोकसभेत ३३ टक्के आरक्षण मिळवण्यासाठी प्रयत्न करा. महिला आरक्षण लागू करून महिलांना सन्मान देण्यासाठी पुढे या. हवे तर तुम्ही याचे श्रेय घ्या, असे आवाहन पंतप्रधान मोदींनी केले.

नक्षलवाद, माओवादमुळे देशातील तरूणांना उद्ध्वस्त केले. लाखो युवक यामुळे चुकीच्या मार्गाला गेले. २०१४ साली आम्ही देशाला नक्षलवादापासून मुक्त करण्याचा संकल्प केला होता. आता आम्ही सांगू शकतो की, नक्षलवाद आणि माओवादी हिंसाचार अखरेचे श्वास घेत आहे. ज्याठिकाणी कधी काळी गोळ्या चालत होत्या, त्या ठिकाणी विकास, विश्वास आणि प्रयत्नांचा तिरंगा फडकत आहे. अनेक वर्ष देशातील सत्तेत माओवादी लोकांनी आपली जागा बनवली होती. सरकारी संस्थेतही हे लोक होते. जंगलातील नक्षलवादी संपवण्यात आम्हाला यश मिळाले असले तरी 'दिमागी नक्षल' संधीच्या शोधात आहेत. हिंसा आणि अराजकतेचे मार्ग ते शोधत आहेत. या दिमागी नक्षलींना ओळखून त्यांना बाजूला करावे, लागेल.

ऑलिम्पिक स्पर्धेतील अनेक खेळ असे आहेत, ज्यात भारताने आजवर सहभाग घेतलेला नाही. २०३६ मध्ये जर भारतात ऑलिम्पिक स्पर्धा भरवायची असेल तर आपल्याला सर्व क्रीडा प्रकारात सहभाग घ्यावा लागेल. यासाठी आम्ही टॅलेंट हंटचे अभियान राबवणार आहोत. ५ ते १५ वर्ष वय असलेल्या मुलांमधील क्रीडा कौशल्य शोधण्यासाठी गावपातळीपासून अभियान चालवले जाईल. मुलांमधील कौशल्य पाहून त्यांना देशपातळीवर खेळण्यासाठी प्रशिक्षित केले जाईल, अशी घोषणा पंतप्रधान मोदी यांनी केली.

कोचिंग क्लास मध्यम वर्गीय पालकांवर ओझे झाले आहे. पालकांना वाटते मुलाला कोचिंग क्लासमध्ये पाठवले नाही तर आपण प्रतिष्ठित कुटुंब नाही. कुटुंबावर आर्थिक ताण येऊ नये, यासाठी विद्यार्थ्यांना आम्ही विविध स्पर्धा परीक्षांसाठी मोफत ऑनलाइन कोचिंग देण्याचा निर्णय घेतला आहे. आमच्याकडे तज्ज्ञ शिक्षक आहेत, डिजिटल इन्स्फ्रास्ट्रक्चर आहे. याचा उपयोग करून मोफत कोचिंग दिली जाईल, अशी घोषणा पंतप्रधान मोदींनी केली.

पंतप्रधान मोदी पुढे म्हणाले की, भारताची सातवी शक्ती म्हणजे आपली सॉफ्ट पॉवर. योगने जगाला जोडले. ती आपली ऊर्जा आहे. आपल्याकडे चांगली आरोग्यसेवा असून भविष्यात त्यात आणखी सुधारणा करण्याचे काम करायचे आहे. आपण चित्रपट, गेमिंग, क्रिएटिव्ह वर्ल्ड जगाला दिले आहे. आपल्याकडे १०० हून अधिक राष्ट्रीय उद्याने आहेत. पण जागतिक पर्यटकांना आकर्षिक करण्यात आपण कमी पडलो आहोत. कॉन्सर्टची अर्थव्यवस्था वाढत आहे. जागतिक कलाकार आता भारतात येऊ पाहत आहेत, आपण याला प्रोत्साहन दिले पाहिजे.

भारताचे संरक्षण क्षेत्र आत्मनिर्भर होत असल्याचे पंतप्रधान मोदी यांनी सांगितले. रक्षा शक्ती ही भारताची पाचवी शक्ती आहे. आपल्याला ड्रोन, हायपर-सॉनिक तंत्रज्ञान विकसित करावे लागेल. तरुणांच्या माध्यमातून सायबर-सुरक्षेचा विकास करायला हवा, असे पंतप्रधान मोदी म्हणाले.

सप्तधारेतील तिसरी शक्ती तंत्रज्ञान आणि नवीन संशोधन असल्याचे पंतप्रधान मोदी म्हणाले. अंतराळ, क्वांटम, रोबोटिक्सचे आज युग आहे. नव्या तंत्रज्ञानामुळे अनेक आव्हाने उभी राहत आहेत, आपल्याला नव्या शोधाचे केंद्र बनावे लागेल. मेड इन इंडिया ६जी कानाकोपऱ्यात पोहोचले पाहिजे, असे पंतप्रधान मोदी म्हणाले.