खामेनी यांच्या मृत्यूबद्दल भारताकडून अखेर शोक; परराष्ट्र सचिवांची इराणच्या दूतावासाला भेट

अमेरिका-इस्रायल आणि इराण यांच्यात युद्ध सुरू असून २८ फेब्रुवारी रोजी इराणचे सर्वोच्च नेते खामेनी यांचा मृत्यू झाला. इराणने त्यानंतर ४० दिवसांचा शोक जाहीर केला. खामेनी यांच्या मृत्यूबद्दल भारत सरकारकडून कोणतीही प्रतिक्रिया न आल्याबद्दल विरोधी पक्षांनी सरकारवर टीका केली होती.

त्यामुळे मिस्री यांची इराणी दूतावासाला भेट आणि शोकपुस्तकावर स्वाक्षरी करणे हे महत्त्वाचे ठरले आहे. मिस्री यांनी भारतातील इराणी राजदूत मोहम्मद फताली यांच्याशी चर्चा केली. दरम्यान, परराष्ट्रमंत्री एस. जयशंकर यांनी त्यांचे इराणी समकक्ष सय्यद अब्बास अरघची यांच्याशी दूरध्वनीवरून चर्चा केली.